Kwamamaza

Umucamanza yateye utwatsi ubujurire bw’ubushinjacyaha ku gihano cya Oscar Pistorius

Yanditswe kuya 27-08-2016 saa 14:23' na Cyprien Niyomwungeri


Umucamanza mu rukiko rw’ikirenga i Pretoria muri Afurika y’Epfo, Thokozile Masipa, yateye utwatsi ubujurire bwari bwatanzwe n’ubushinjacyaha ku gifungo cy’imyaka itandatu yakatiye Oscar Pistorius.

Nyuma y’uko ubushinjacyaha busabiye Pistorius gufungwa imyaka 15 ariko urukiko rukamukatira gufungwa imyaka itandatu, bwavuze ko iki gihano gihabanye n’icyaha cy’ubwicanyi yakoze bwiyemeza kukijuririra.

Umucamanza Masipa yavuze ko ubwo bujurire bwasabiraga Pistorius gufungwa nibura imyaka 10 nta shingiro bufite.

Yagize ati “Sinumva neza ko hari impamvu zifatika zo gutsinda urubanza mu bujurire, cyangwa hari urundi rukiko rwabibona ukundi.”

Gusa iki cyemezo cye nticyashyize akadomo ku bujurire kuko ubushinjacyaha bwa Repubulika bushobora guhita bujuririra urukiko rw’ikirenga, nubwo ntacyo baratangaza kuri iyi ngingo.

Bwari ubwa kabiri Ubushinjacyaha bujuririra icyemezo cy’umucamanza Masipa, dore ko na mbere bwajuririye igihano cy’imyaka itanu yari yahanishije Pistorius mu 2014 amuhamije icyaha cyo kwica atabigambiriye.

Uru rubanza rwasojwe ruhamije Pistorius kwica arashe umukunzi we Steenkamp kuwa 13 Gashyantare 2013, rumuhanisha ikindi gihano cyo gufungwa imyaka itandatu.

Oscar Pistorius wamenyekanye cyane mu mikino mu gusiganwa ku maguru mu cyiciro cy’abafite ubumuga yegukanye umudali wa Zahabu mu mikino Olempike na Paralempike yabereye i Londres mu Bwongereza muri 2012.

Ibihe by’ingenzi byaranze iburana rya Pistorius

- Gashyantare 2013: Yishe arashe Reeva Steenkamp wari umukunzi we

- Werurwe 2014: Yatangiye kuburanishwa

-Nzeli 2014: Umucamanza yahamije Pistorius icyaha cyo kwica abigambiriye.

- Ukwakira 2014: Yatangiye igihano cy’igifungo cy’imyaka itanu yari yahawe

- Ukwakira 2015: Yararekuwe afungishwa ijisho

- Ukuboza 2015: Yongeye guhamwa n’icyaha cyo kwica.

- Nyakanga 2016: Yakatiwe igifungo cy’imyaka itandatu

Umucamanza mu rukiko rw’ikirenga muri Afurika y’Epfo, Thokozile Masipa, yateye utwatsi ubujurire bw’igihano cyahawe Pistorius
Oscar Pistorius yakatiwe igifungo cy’ imyaka itandatu muri Nyakanga 2016

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved