00:00:00 IGIHE NETWORK KN KINYARWANDA EN ENGLISH FR FRANCAIS

Umubare w’abahitanywe n’iruka rya Nyiragongo ukomeje kuzamuka

Yanditswe na Iradukunda Serge
Kuya 25 Gicurasi 2021 saa 08:55
Yasuwe :
0 0

Sosiyete Sivile yo muri Repubulika Iharanira Demokarasi ya Congo, yatangaje ko umubare w’abamaze kumenyekana ko bahitanywe n’iruka rya Nyiragongo wageze ku bantu 20.

Ku wa 24 Gicurasi 2021 nibwo Guverinoma y’iki gihugu yari yatangaje ko umubare w’abahitanywe n’iruka rya Nyiragongo ryabaye mu ijoro ryo ku wa 22 Gicurasi 2021 ari 15.

Mu gitondo cyo kuri uyu wa 25 Gicurasi, Umuyobozi wa Sosiyete Sivile muri Congo, Mambo Kawaya, yavuze ko habonetse imirambo y’abandi bantu batanu bishwe no kubura umwuka ubwo bageragezaga guhunga iruka rya Nyiragongo.

Ati "Twamaze kubona abandi bantu batanu, bahejejwe umwuka na gaz ubwo bageragezaga guhunga berekeza mu majyaruguru ya Goma."

Kawaya yavuze ko uretse abapfuye hari n’undi umwe urembye wajyanywe mu bitaro kubera ko yari afite ikibazo cyo guhumeka.

Uretse abapfuye Ishami ry’Umuryango Mpuzamahanga ryita ku bana (UNICEF) ryatangaje ko hari abana basaga 170 baburanye n’ababyeyi babo ubwo bahungiraga mu bice bitandukanye kuri uyu wa Gatandatu.

Inzu zisaga 500 zangijwe n’iruka ry’icyo kirunga ryakurikiwe n’imitingito ya hato na hato, nk’uko Associated Press yabitangaje.

Mu ijoro ryo ku wa Gatandatu nibwo ikirunga cya Nyiragongo giherereye mu Burasirazuba bwa Repubulika Iharanira Demokarasi ya Congo nyuma y’imyaka 19 cyari kimaze gituje.

Uretse kuvutsa abantu ubuzima, iruka rya Nyiragongo ryanasenye zimwe mu nzu z'abaturage

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .