00:00:00 IGIHE NETWORK KN KINYARWANDA EN ENGLISH FR FRANCAIS

Uganda yatangaje ko yugarijwe n’imbasa

Yanditswe na Bukuru JC
Kuya 18 Kanama 2021 saa 08:12
Yasuwe :
0 0

Inzego z’ubuzima muri Uganda zatangaje ko icyo gihugu cyugarijwe n’icyorezo cy’imbasa, nyuma y’isuzuma ryakorewe mu duce tubiri dutandukanye mu mujyi wa Kampala.

BBC yatangaje ko imbasa yari yaracitse muri icyo gihugu mu 2006 ariko yongeye kuhagaragara mu 2009 na 2010.

Ibizamini byasuzumiwe mu kigo gishinzwe ubushakashatsi kuri za virusi muri Uganda, byagaragaje ko ubwoko bw’imbasa bwibasiye icyo gihugu bumeze nk’ubwabonetse muri Sudani.

Muri Kanama umwaka ushize nibwo umugabane wa Afurika watangajwe nk’utakirangwamo imbasa ariko mu minsi mike ishize ibihugu 19 bimaze gutangaza ko yongeye kuhagaragara.

Minisiteri y’Ubuzima muri Uganda yatangaje ko igiye gukora icukumbura ryimbitse, cyane cyane ihereye mu bana bari munsi y’imyaka 15 bagaragaza ibimenyetso by’imbasa.

Biteganyije ko mu Ukwakira kugeza mu Ukuboza uyu mwaka, hazatangwa inkingo z’imbasa muri icyo gihugu.

Indwara y’imbasa iterwa na virusi kandi yandura. Iyo uyirwaye atavuwe neza, ashobora gukurizamo ubumuga bushobora no kumuhitana. Iyi ndwara ikunze kwibasira abana bari munsi y’imyaka itanu, aho yakunze kugaragara cyane mu bihugu bya Afurika birimo Nigeria, Cameroun, Centrafrique na Sudani y’Epfo.

Umwaka ushize umugabane wa Afurika wari watangajwe nk'utakirangwamo imbasa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .