Uganda: Yasimbutse igorofa ya karindwi ntiyapfa biteza impaka

Yanditswe na Kanamugire Emmanuel
Kuya 17 Nzeri 2016 saa 11:13
Yasuwe : XX
0

Umusore wari ufite uburwayi bwo mu mutwe i Kampala muri Uganda yasimbutse ari mu igorofa ya karindwi agwa hasi ubwo yageragezaga kwiyahura ariko ntiyapfa, byahise bibyutsa impaka z’uko abarwayi bo mu mutwe batitaweho muri icyo gihugu.

Ibyo kwiyahura k’uwo musore byagaragaye muri filimi yazamuye impaka, bamwe basaba ko leta yakongera uburyo bwo kwita ku bafite ibibazo by’uburwayi bwo mu mutwe nk’uko Radio Ijwi rya Amerika yabitangaje.

Muri icyo gihugu ngo ibitaro byita ku bafite uburwayi bwo mu mutwe usanga ari bike, ku buryo ahitwa i Butabika ariho honyine hari ibitaro by’icyitegererezo byita kuri abo barwayi, biriho abaganga babitaho[bagenzura iby’imitekerereze; psychiatrists] umunani ku barwayi 842.

Abo baganga ngo ni bake ugereranyije n’umubare w’abarwayi, ariko abavuwe na bo bemeza ko babafashije.

Abatuye mu byaro bya Uganda bataka kutagira abaganga babitaho ku bijyanye n’uburwayi bwo mu mutwe. Abaturage basaga miliyoni 37 bafite abaganga 32 babitaho mu gihugu cyose.

Dr.David Basangwa, Umuyobozi w’ibitaro bya Butabika yavuze ko leta ya Uganda irimo kunoza ibijyanye na serivisi z’ubuzima harimo n’izihabwa abafite ibibazo byo mu mutwe.

Bimwe mu bizakorwa birimo kuvugurura ibyumba byakirirwamo abafite ibibazo by’uburwayi bwo mu mutwe mu karere, ndetse inahugure abaganga basaga 300 bazafasha kwita ku bagize ibyo bibazo mu bice byegereye abaturage.

Abakora ibikorwa by’ubuvugizi mu by’ubuzima bemeza ko leta yagombye kongera umubare w’abo baganga kandi bagafashwa kubona ubumenyi buhagije.

Ibitaro bya Butabika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza