00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Umwangavu utabona yatewe inda inshuro ebyiri mu mezi 18

Yanditswe na Bukuru JC
Kuya 19 Nzeri 2021 saa 10:32
Yasuwe :
0 0

Umukobwa w’imyaka 16 utabona mu karere ka Jinja muri Uganda, yatewe inda ubugira kabiri mu bihe bitandukanye ubwo icyo gihugu cyabaga kiri mu bihe bya Guma mu Rugo.

Mu mezi 18, uyu mukobwa afite abana babiri b’indahekana bose bavutse nyuma yo gufatwa ku ngufu.

Daily Monitor dukesha iyi nkuru yatangaje ko uwo mwana yigaga mu kigo cyita ku bafite ubumuga muri Jinja.

Umubyeyi w’uwo mukobwa yavuze ko umwana we bwa mbere yasambanyijwe muri Guma mu rugo ya mbere yabaye mu 2020 ari nabwo yaterwaga inda ya mbere, akongera gusambanywa muri uyu mwaka nabwo igihugu kiri muri Guma mu Rugo, agaterwa iya kabiri.

Nubwo izo mpinja zombi zimeze neza, uwo mukecuru yavuze ko kuzitaho bigoye kubera amikoro make.

Yavuze ko umwana we yatewe inda kubera ko amashuri yafunze, abana bakaza mu biruhuko bakamara igihe kinini kubera Covid-19.

Yagize ati “Mbere akiri ku ishuri, abagabo ntibabonaga uko bamugeraho ariko ubwo amashuri yafungwaga, byaraboroheye.”

Kubera ubumuga umwana we afite, ngo ntabwo azi ababa baramuteye inda kuko atababonaga.

Nyuma yo guhura n’iryo sanganya, ngo uwo mwana w’umukobwa yahise ashyirwa ku miti yo kuboneza urubyaro ngo hatazagira undi wongera kumuhohotera, agaterwa inda.

Bamwe mu baharanira uburenganzira bw’abana basabye Leta ya Uganda gufungura amashuri vuba kugira ngo ibibazo bikomeje kwibasira abana mu ngo iwabo bigabanyuke.

Abana b'abakobwa bakomeje guterwa inda muri Uganda kubera igihe gishize amashuri afunze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .