Uganda: Umunyeshuri yatangije umushinga wo gukora imyuka iryana mu maso

Yanditswe na Ishimwe Israel
Kuya 28 Nzeri 2016 saa 08:12
Yasuwe : XX
0

Samuel Mugarura, wiga mu mwaka wa gatatu muri Kaminuza ya Makerere mu ishami ry’Ubutabire n’Ibinyabuzima, yamuritse umushinga wo gukora imyuka iryana mu maso isanzwe ikoreshwa n’abashinzwe umutekano mu guhosha imyigaragambyo.

Ubwo yamurikaga uyu mushinga we mu Mujyi wa Kajjansi muri Uganda mu gitondo cyo ku Cyumweru, tariki ya 25 Nzeri, Mugarura yatangaje ko iyi myuka nta bumara ifite ugereranyije n’ibisanzwe ikoreshwa na Polisi.

Mugarura avuga ko iyi myuka ikorwa mu bintu bidahenze, ndetse n’imyanda igaragara ahantu hose. Atu “Iyi myuka ikozwe mu isukari, umunyu, ibiribwa, n’ibindi bidashobora kwangiza ubuzima bw’umuntu nk’uko bimeze ikoreshwa na Polisi.”

Ubuyobozi bwa Kaminuza ya Makerere, Mugarura yigamo nabwo bwemeje aya makuru ko uyu musore afite ubuhanga bwo gukora n’intwaro zikomeye gusa ngo abura ubushobozi bw’amafaranga yo guteza imbere iyi mishinga ye.

Abajijwe intego yari afite mu gukora iyi myuka, Mugarura yagize ati “ Inzozi zanjye ni uguhindura Uganda igihugu gikora intwaro zikomeye nk’ibindi bihugu nka Koreya y’Epfo, u Burusiya, n’ibindi. Ubu rero ni igihe cy’Abagande gufata umwanya wa mbere ku mugabane wa Afurika binyuze mu gutera inkunga umushinga wanjye niba bifuza kuba igihugu kiyoboye ibindi mu gukora intwaro zikomeye.”

Umushinga wa Mugarura niwemerwa na Kaminuza ya Makerere uzaba ubaye umwe muyo iyi Kaminuza yakoze irimo imodoka za Kiira EV na Bisi ya Kayoola zikoreshwa n’imirasire y’izuba zakozwe n’abanyeshuri bo mu Ishami ry’ibijyanye n’Ubwubatsi, Ikoranabuhanga n’Ubugeni.

Mugarura Samuel yitegura gutera imyuka iryana mu maso
Mugarura Samuel atangaza ko imyuka iryana mu maso yakoze ifite ubumara buke ugerereranyije n'isanzwe ikoreshwa
Imyuka iryana mu maso ikunze gukoreshwa n'inzego z'umutekano mu guhosha imyigaragambyo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza