Kwamamaza

Uganda: Umunyeshuri w’umukobwa yateye icyuma mugenzi we bapfa umusore

Yanditswe kuya 28-10-2016 saa 20:38' na Jean Pierre Tuyisenge


Umukobwa w’Umunyeshuri w’imyaka 20 wiga ku ishuri ryisumbuye ryigisha amasomo y’ubumenyi n’ikoranabuhanga rya African International Christian Ministries-AICM riba i Kabale muri Uganda, afunzwe azira gutera icyuma mugenzi we bigana amushinja gushaka kumutwarira umusore bakundana.

Chris Ninsiima w’imyaka 20 ashinjwa gutera icyuma Macklin Ninsima ufite imyaka 19, mu ijoro ryo ku wa Gatatu tariki ya 26 Ukwakira 2016 ahagana saa yine z’ijoro, ku nzu abo banyeshuri bararamo iri mu gace ka Kabale.

Chimpreports yanditse iyi nkuru ivuga ko umunyeshuri wari uhibereye witwa Atuhaire, yayitangarije ko uwo mukobwa yamuteye icyuma mu mutwe inshuro nyinshi, amushinja ko ashaka kumutwarira umuhungu bakundana witwa Innocent na we wiga kuri iryo shuri.

Umuganga wo kuri iryo shuri witwa Sarah Tumuhairwe, yavuze ko yumvise urusaku rw’abanyeshuri akiruka ajya kureba, yagerayo agasanga uwo mukobwa aryamye mu maraso.

Umuyobozi w’iryo shuri ,Msgr. Enock Kabaye, yavuze ko uwo yahise ajyanwa ku bitaro bya Rigarama amerewe nabi cyane.

Umuvugizi wa Polisi muri ako gace, Elly Maate yavuze ko uwo munyeshuri ubu afungiye kuri Sitasiyo ya polisi ya Kabale, mu gihe iperereza rigikomeza.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved