Uganda: Umukobwa w’imyaka 8 afunzwe akekwaho ubutinganyi

Yanditswe na Kanamugire Emmanuel
Kuya 2 Nzeri 2016 saa 09:20
Yasuwe : XX
101 58

Polisi ya Uganda yataye muri yombi umwana w’umukobwa ufite imyaka umunani nyuma yo gukekwaho kuba akora ubutinganyi.

Uyu mwana utigeze utangazwa amazina kuko atarageza ku myaka y’ubukure yatawe muri yombi nyuma y’uko umuturanyi w’iwabo amubonye agerageza kwiyegereza abandi bana b’abakobwa ndetse agatangira no kwikinishiriza imbere yabo.

Umupolisi mu ishami rishinzwe kurengera abana n’umuryango mu mu mujyi wa Jinja, Catherine Wobuyaga yabwiye ikinyamakuru gay Star News koko uyu mwana afunzwe.

Victor Adero, umukozi muri Amnesty International yamaganye iby’itabwa muri yombi rye avuga ko akwiye gufungurwa byihuse kuko icyo akeneye ari ukurindwa no kubahwa aho gufatwa nk’umunyacyaha.

Yakomeje avuga ko leta ifite inshingano yo kurinda ubuzima bw’umwana idakwiye kumufunga.

Imibonano mpuzabitsina hagati y’abantu bahuje ibitsina ntiyemewe muri Uganda ndetse ubifatiwemo akaba ahanwa mu buryo bukomeye.

Muri Gashyantare 2014 nibwo itegeko rihana ubutinganyi ryavuguruwe aho ridahana gusa ababukora ahubwo rihana ukora ibikorwa bigamije kubashyigikira n’umenya ko umuntu runaka ari umutinganyi ntabimenyeshe polisi.

Ubwo yasinyaga iri tegeko, Perezida Yoweri Museveni yavuze ko yemeye kurisinya kuko nta bushakashatsi bwigeze bwerekana ko ubutinganyi ari ikintu kiba ku muntu atabigizemo uruhare.

Ibihugu bigera kuri 72 byo ku isi bihana byihanukiriye abakora ubutinganyi, 12 muri byo bikaba bitanga ibihano birimo n’urupfu.

Kimwe mu bigize ibimenyetso by'abatinganyi n'abandi bitwara nka bo

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE