Uganda: Polisi yishe umwe mu myigaragambyo yamagana ivugururwa ry’Itegeko Nshinga

Yanditswe na Herve Ugirumukunda
Kuya 19 Ukwakira 2017 saa 09:59
Yasuwe :
0 0

Umuntu umwe yapfuye ubwo polisi ya Uganda yarasaga amasasu n’imyuka iryana mu maso itatanya abatavuga rumwe n’ubutegetsi bamaganaga ko Itegeko Nshinga rya Uganda rivugururwa ku ngingo igena imyaka y’Umukuru w’Igihugu ku buryo byahesha Perezida Yoweri Museveni kuzongera kwiyamamaza.

Nyuma y’uko Inteko Ishinga Amategeko yemeye kwiga ku ngingo yo guhindura imyaka ntarengwa Umukuru w’Igihugu uyobora Uganda agomba kuba afite, abatavuga rumwe na leta bakunze kwigaragambya ariko polisi ikabatanya.

Itegeko Nshinga rya Uganda rigena ko Perezida wa Uganda atagomba kuba arengeje imyaka 75 ariko Museveni umaze imyaka 31 ku butegetsi, kuri ubu afite 73.

Abamurwanya bemeza ko ashaka guhindura iyo ngingo kugira ngo aziyamamaze mu matora ateganyijwe mu 2021.

Umuvugizi wa Polisi, Elly Maate yabwiye Reuters ko ejo hashize abaturage bigaragambije hafi ya sitade y’umujyi wa Rukungiri, polisi ikarasa mu kirere ishaka kubakwiza imishwaro, umwe ahasiga ubuzima.

Umwe mu bayobozi b’ishyaka ritavuga rumwe na leta, Ingrid Turinawe we yavuze ko hapfuye abantu babiri.

Turinawe yavuze ko hari n’isasu ryarashwe ku modoka ya Kizza Besigye ariko we ntagire icyo aba.

Mu kwezi gushize nibwo umudepite ushyigikiye Museveni yatanze iyo ngingo ngo iganirweho mu nteko. Byateje impagarara, Perezida w’inteko, Rebecca Kadaga, ategeka ko abadepite 25 barimo na Bobi Wine basohorwa mu nteko imirwano iravuka, hitabazwa inzego z’umutekano.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza