Kwamamaza

Uganda:Polisi yarashe uruziramire rwari rwateye urwuri rwa Perezida Museveni

Yanditswe kuya 16-09-2016 saa 14:49' na Jean Pierre Tuyisenge


Abapolisi barinda urwuri rw’inka za Perezida Museveni ruri mu karere ka Gomba, bishe uruziramire rwari rwahateye, mbere gato y’uko yizihiza isabukuru ye y’imyaka 72.

Ibi byabaye ku wa Gatatu ku itariki ya 14 Nzeri 2016 ahagana saa yine za mugitondo mbere y’isabukuru ye y’amavuko yizihiza ku wa 15 Nzeri buri mwaka.

Umwe muri abo bapolisi yabwiye Daily Monitor yanditse iyi nkuru, ko urwo ruziramire rwashakaga kurya inka za Museveni,barurashe inshuro eshatu.

Yagize ati “Twari twatewe ubwoba n’ubunini bw’icyo kiremwa, ni yo mpamvu twahisemo kucyica ngo turokore ubuzima bwacu, n’ubw’inka z’umukuru w’igihugu. Isasu rimwe twarirashe mu mutwe, irindi turirasa mu nda.”

Yongeyeho ko urwo ruziramire rwapimaga hafi kilogarama 80, na metero 20 z’uburebure, rukaba rukiri mu nyubako imwe ibamo umupolisi, mu rwuri rwa Museveni.

Icyo kinyamakuru kandi gikomeza kivuga ko ibyo byabaye nyuma y’aho Polisi yari imaze iminsi itaye muri yombi abantu batatu bakekwagaho kwiba inka za Museveni muri urwo rwuri.

Ushinzwe iperereza ku kigo cya Polisi cya Gomba Doreen Kachwo, yabwiye itangazamakuru ko abo batatu bafashwe harimo umwe wari usanzwe akora muri urwo rwuri, bakaba barafatanywe inka eshatu.

Urwo rwuri ruherereye mu karere ka Gomba, hagati muri Uganda, ku birometero 100 mu burengerazuba bw’umurwa mukuru Kampala, aho afite inka za gakondo zifatwa nk’inyambo, ziboneka mu gice kirimo abitwa abanyankore.

Perezida Museveni yavukiye mu muryango w’aborozi, akaba atangaza ko naramuka avuye mu bikorwa bya politiki azajya korora inka ze.

Perezida Museveni yatorewe kuyobora Uganda kuri manda ye ya gatanu ku wa 18 Gashyantare 2016, gusa ni amatora ataranyuze Dr.Kizza Besigye bari bahanganye, dore ko yavugaga ko ari we wayatsinze.

Amafoto y'iyi nzoka yafashwe mu bihe bitandukanye

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved