Uganda: Museveni ari imbere mu majwi y’ibanze amaze kubarurwa

Yanditswe na Bukuru JC
Kuya 15 Mutarama 2021 saa 08:52
Yasuwe :
0 0

Imibare y’agateganyo ya Komisiyo y’Amatora muri Uganda yagaragaje ko Yoweri Museveni uri ku butegetsi ari we uri imbere mu majwi amaze kubarurwa, aho afite 65.02 % mu gihe Robert Kyagulanyi uzwi nka Bobi Wine amukurikiye n’amajwi 27.39 %.

Amatora ya Perezida muri Uganda yabaye kuri uyu wa Kane, aho miliyoni 18 z’abiyandikishije kuri lisiti y’itora bazindukiye ku biro by’itora ngo bahitemo uzabayobora mu myaka itanu iri imbere.

NTV Uganda yatangaje ko kugeza mu gitondo cyo kuri uyu wa Gatanu, ku rwego rw’igihugu, ibiro by’itora 8310 aribyo byari bimaze kubarura amajwi, ni ukuvuga 23.9 % by’ibiro by’itora byose.

Uretse Museveni uri imbere mu majwi na Kyagulanyi umugwa mu ntege, abandi bakandida baza hafi ni Patrick Oboi Amuriat w’ishyaka FDC ufite na Joseph Kabuleta wigenga.

Amajwi amaze kubarurwa ni make cyane ugereranyije n’umubare w’abatoye mu gihugu hose, ku buryo isaha n’isaha imibare ishobora guhinduka.

Amatora yo muri Uganda yabanjirijwe n’imvururu zahitanye abagera kuri 50. Perezida Museveni umaze imyaka 35 ku butegetsi ari gushaka manda ya gatandatu.

Museveni niwe uri imbere mu majwi make amaze kubarurwa ku rwego rw'igihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .