Kwamamaza

Uganda: Leta igiye gufunga amwe mu mashuri y’Abanyamerika

Yanditswe kuya 5-11-2016 saa 10:10' na Jean Pierre Tuyisenge


Urukiko rukuru muri Uganda rwatanze itegeko ryo gufunga ibigo by’amashuri yigenga bigera kuri 60 bihuriye mu cyitwa ’Bridge International Academies’ by’akaherwe b’Abanyamerika, bivuye ku kibazo cy’isuku nke no kutubahiriza imfashanyigisho za Minisiteri y’uburezi y’icyo gihugu.

Ibi bigo ni iby’Umukire Bill Gates na Mark Zuckerberg, gusa abayobozi babyo batangaza ko batanga ubumenyi buri ku rwego rwo hejuru ndetse buri no ku giciro gito ku banyeshuri ahanini baturuka mu miryango y’abakene.

BBC yanditse iyi nkuru ivuga ko Minisiteri y’Uburezi muri iki gihugu ivuga ko amashuri agera kuri 63 agiye guhita afungwa nta nteguza.

Ikigo Bridge International Academies gitera inkunga ayo mashuri, na cyo gishyigikiwe n’abakire b’Abanyamerika, cyatangaje ko kizajuririra icyo cyemezo.

Umucamanza yavuze ko abayobora Bridge International bahawe igihe cyo gukosora ibibazo biri muri ayo mashuri ariko ntibikorwe.

Ikigo Bridge International gifite icyicaro muri Leta Zunze Ubumwe za Amerika, cyatangije amashuri muri Uganda mu mwaka wa 2015, ariko cyakomeje gushinjwa isuku nke muri ayo mashuri, inyubako zitameze neza, no kudakurikiza amabwiriza ngengamyigire y’igihugu.

Gusa icyo kigo nticyemeranya n’ibyo kuko kivuga ko kibikurikiza byose, cyane ko ngo abana bo muri icyo kigo batangira bafite imyaka itandatu, bakiga imyaka irindwi mu mashuri abanza nkuko Leta ibisaba.

Kivuga kandi ko uburezi mu mashuriya Leta muri Uganda bumeze nabi ugereranyije nacyo , aho ngo usanga 70% bata amashuri batarangije icyiciro cy’abanza.

Bridge International Academies giterwa inkunga n’abatari bake, harimo Leta y’u Bwongereza, ikigo cy’umuherwe Bill Gates ari na we mukuru wa Microsoft, hamwe Mark Zuckerberg ari we nyiri Facebook.

Icyo kigo kandi gifite amashuri no muri Nigeria, u Buhinde ndetse no mu kwezi kwa mbere uyu mwaka, cyatangiye gukorana na Leta ya Liberia kugira ngo kiyifashe kwita ku mashuri y’ibanze.

Bridge International cyifuza kuzaba cyaramaze kwigisha abana barenga miliyoni 10 hirya no hino ku Isi, kugeza mu mwaka wa 2025.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved