00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Ikindi gisasu cyaturikanye abana babiri

Yanditswe na Bukuru JC
Kuya 30 Ukwakira 2021 saa 10:57
Yasuwe :
0 0

Abana babiri bapfuye naho mugenzi wabo arakomereka nyuma y’aho ikintu bikekwa ko ari igisasu giturikiye mu gace ka Ssegalye mu Karere ka Nakaseke.

Polisi ya Uganda yatangaje ko abapfuye ari Pius Kiwuwa w’imyaka 11 na Micheal Kiyingi wa 14 mu gihe umwana w’amezi 10 witwa Shield Odong we yakomeretse bikomeye.

Umuyobozi muri ako gace, yatangaje ko icyo kintu cyaturitse ku wa Gatanu ahagana saa kumi z’umugoroba.

Mu gihe cyatururikaga, mama w’abo bana yari yagiye kureba nyina urwaye mu gihe se we yari mu kazi mu Karere ka Luwero.

Umuvugizi wa Polisi muri ako gace we yatangaje ko umwe mu bapfuye, yatoraguye ikintu gisa na Orange hanyuma atangira kugitera umugeri nk’umupira w’amaguru. Nyuma bagenzi be bagifashe batangira kugikanda bumva ko ari urubuto bari bubonemo umutobe, niko kubaturikana.

Abo bana bapfuye nyuma y’aho mu minsi ishize muri Uganda hagabwe ibitero bibiri by’iterabwoba bikekwako ari iby’abarwanyi ba ADF.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .