Uganda igiye kwirukana abacuruzi baciriritse b’abanyamahanga

Yanditswe na Philbert Girinema
Kuya 6 Nzeri 2016 saa 12:00
Yasuwe : XX
0

Abadepite bagize Komisiyo y’Ubucuruzi , Inganda n’Amakoperative, bahaye amezi atatu abacuruzi bato b’abanyamahanga bakorera muri Uganda, kuba bamaze gushora imari mu mishinga minini cyangwa bagasubira mu bihugu byabo.

Uyu mwanzuro wafashwe kuri uyu wa Mbere mu nama yahuje abadepite n’abacuruzi mu Mujyi wa Kampala, nyuma y’uko bitabaje abadepite bavuga ko abanyamahanga bamaze kuganza abagande mu bucuruzi buciriritse.

Abadepite babashije kwibonera ko mu gihe abanyamahanga benshi by’umwihariko Abashinwa baza muri Uganda nk’abashoramari, birangira abenshi bihindiye mu duce nka Kikuubo muri Kampala n’utundi duce dutandukanye bagakora ubucuruzi buciriritse, abakomoka muri Uganda bakavuga ko batakibona ibyashara.

Daily Monitor yatangaje ko Umuyobozi w’iyi komisiyo, Depite John Bosco Lubyayi yavuze ko nk’abadepite imishahara yabo iva mu misoro y’abacuruzi, ku buryo Inteko Ishinga Amategeko itakwihanganira kurebera ubucuruzi bwangirika.

Ati “Twagize uruzinduko rutunguranye mu gace ka Kikuubo tubona ko Abashinwa bari guhemukira cyane abacuruzi b’Abagande kuko bari kugurisha ku giciro kiri hasi cyane, bigatuma abagande ibicuruzwa byabo bibaheraho. Ni ibintu bibi cyane kandi bagomba kuba abashoramari kuko niko ibyangombwa bafite bivuga. Mu gihe cy’amezi atatu dushaka ko bazaba batagihari, kandi tugiye kubikorera raporo tuyishyikirize Perezida.’’

Undi mudepite uhagarariye Umujyi wa Kampaka, Nabilah Nagayi, yashinje Minisiteri y’Ubucuruzi muri Uganda kunanirwa gutanga itegeko rihagarika abacuruzi b’abanyamahanga bakora ubucuruzi buciriritse.

Muri Kikuubo mu Mujyi wa Kampala habarizwa ubucuruzi bukomeye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza