Kwamamaza

Uganda: Gen Makenga wahoze ari umuyobozi wa M23 yaba yarahungiye ahantu hatazwi

Yanditswe kuya 12-11-2016 saa 20:53' na Ntakirutimana Deus


Guverineri w’Intara ya Kivu y’Amajyaruguru muri Repubulika Iharanira Demokarasi ya Congo,Julien Paluku Kahongya yatangaje ko Gen Sultani Makenga, wahoze ari umuyobozi w’umutwe wa M23 warwanyaga leta ya Kabila yavuye muri Uganda aho yari yarahungiye.

Ku wa Gatanu tariki ya 11 Ugushyingo 2016, ni bwo Paluku yatangaje ko Makenga ari ahantu hatazwi, nk’uko inkuru y’ikinyamakuru Actualite.Cd cyandikirwa muri Congo Kinshasa ibitangaza.

Ayo makuru ngo yatangajwe n’inzego zishinzwe ubutasi za Perezida wa Uganda Yoweri Kaguta Museveni.

Makenga wahoze ari umuyobozi w’umutwe wa M23, yahungiye muri Uganda ubwo uwo mutwe watsindwaga, waje gutatanyirizwa mu misozi ya Chanzu na Mbuzi yo mu ntara ya Rutshuru maze abagera ku 1500 bari bawugize bahungira mu Rwanda no muri Uganda.

Kuburirwa irengero kwa Makenga kwahagurukije umuryango ugamije inyigisho zo guteza imbere amahoro n’uburenganzira bwa muntu (CEPADHO), wagaragaje ko utewe impungenge na byo.

Mu itangazo CEPADHO yashyize ahagaragara tariki ya 11 Ugushyingo 2016, itunga agatoki Uganda ko iri kuyobya uburari ku iburirwa irengero kwa Makenga, kuko ngo icyo gihugu cyakomeje kumucumbikira nyamara hari ibyaha by’intambara akurikitanyweho yakagombye kuryozwa.

Uwo muryango urasaba itsinda ry’akanama ka Loni gashinzwe amahoro n’umutekano kari gusura Congo Kinshasa kwita kuri iki kibazo.

Makenga wahoze ari umuyobozi w’umutwe wa M23, ntihazwi irengero rye

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved