Uganda: Abakirisitu basenye inyubako z’urusengero kubera umurambo wa Musenyeri

Yanditswe na Uwishyaka Jean Louis
Kuya 23 Nzeri 2016 saa 09:47
Yasuwe :
0 0

Abakirisitu Gatolika bo muri Katederali ya Ediofe muri Diyosezi ya Arua iherereye mu Majyaruguru ya Uganda bakozanyijeho n’inzego zishinzwe umutekano nyuma yo kubatatanya ubwo bari mu myigaragambyo yamaganaga icyemezo cy’umushumba w’iyo Katederali wasabye ko umurambo w’uwari musenyeri wari ushinguye mu Kiliziya uvanwamo.

Imyigaragambyo yabaye kuri uyu wa kane tariki 22 Nzeri 2016, ngo yabaye nyuma y’uburakari bukomeye bw’abakirisitu bashinjaga umushumba mushya Sabino Odoki gushaka gusuzuguza Fredrick Drandua wahoze ari umushumba w’iyi diyosezi mu gihe kinini gishize witabye Imana ku wa 1 Nzeri 2016.

Iyo myigaragambyo yabaye nyuma y’amakuru yari yakwirakwijwe ko Musenyeri Odoki yatanze itegeko ry’uko umurambo wa Musenyeri Drandua uvanwa aho uri mu kiliziya ukajya gushyingurwa mu irimbi riri hanze ya Katederali.

Aba bakirisitu bahise batangira kwibera ku irimbi rya kiliziya mu rwego rwo kuririnda. Bivugwa kandi ko bahisemo gukambika kuri iri rimbi kuko bakekaga ko ibintu by’agaciro byashyunguranywe uyu mushumba bishobora kuba byakibwa.

Taliki ya 7 Nzeri uyu mwaka Musenyeri Drandua yashyinguwe muri kiliziya ya Ediofe, ariko bitewe n’uko iyi kiliziya iri gusanwa, Musenyeri Odoki yashatse gukuramo umurambo wa Drandua biramunanira kuko imva yari yubakiye ku buryo bukomeye bituma ahamagaza Polisi y’Igihugu.

Ibi byaje gutuma ibiro by’uyu mukozi w’Imana ndetse n’inzu yari atuyemo bisenywa, bitewe n’uburakari bw’abakirisitu bashakaga gusohora mu nzu umushumba wabo.

Polisi yakoresheje imyuka iryana mu maso mu guhagarika iyo myigaragambyo ariko biranga bisaba ko n’urwego rwa gisirikare rwitabazwa.

Daily Monitor itangaza ko abantu 16 batawe muri yombi kubera iyi myigaragambyo ndetse ko ubu umubano w’abakirisitu na padiri wabo utifashe neza.

Ikindi umubano kandi ngo hagati ya padiri Odoka n’abandi bakozi ba kiliziya ndetse n’abapadiri bagenzi be ntiwifashe neza nyuma yo kumushinja gufata nabi mugenzi we ubwo yari arembye bitewe n’uko kiliziya yari yanze gutanga amafaranga yo kumwitaho kuko yagombaga kujyanwa kuvurizwa mu Butaliyani.

Padiri Drandua yayoboye Diyoseze ya Arua mu gihe cy’imyaka 23. Ubwo Drandua yashyingurwaga Odoki n’abandi bapadiri bari batewe amabuye n’abakirisitu bitewe n’uburakari bari bafite.

Abakirisitu bashinja Odoki kuba ari umupagani, umuntu udashoboye kuyobora, n’uwica imyemerere ya kiliziya.

Iyi myigaragambyo yatumye ubuyobozi bwa Kiliziya gaturika muri Uganda buhagurukira gushakira umuti ikibazo kiri muri Diyosezi ya Arua mu Majyaruguru y’Igihugu.

Ibiro bya Musenyeri n'aho yabaga hasenywe n'abakirisitu kubera uburakari

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza