Uganda: Besigye yatawe muri yombi ashinjwa kugerageza ubwicanyi

Yanditswe na IGIHE
Kuya 19 Ukwakira 2017 saa 07:51
Yasuwe :
0 0

Dr Kizza Besigye wari uhagarariye ishyaka riharanira impinduka muri demokarasi(FDC) mu matora ya perezida wa Uganda aheruka, yatawe muri yombi akurikiranyweho kugerageza kwica abapolisi.

Besigye yatawe muri yombi hamwe n’abandi bayobozi b’ishyaka barimo Patrick Amurat n’Umunyamabanga waryo, Ingrid Turinawe mu gace ka Rubanda, ubwo bari mu nzira bagana i Kabale bavuye i Rukungiri, ku mugoroba wo kuri uyu wa Kane.

Umuyobozi wa Polisi muri aka gace, Denis Namuwoza yatangaje ko Besigye yashakishwaga muri Rukungiri aho akekwaho ibyaha byinshi yakoze kuri uyu wa Gatatu.

Yagize ati “ Yashakishwaga ku byaha birimo kugerageza kwica abapolisi no kuremesha inama mu buryo butemewe n’amategeko.”

Yongeyeho ko Besigye yayoboye itsinda ry’abantu mu bikorwa byo gutera amabuye abapolisi ubwo bageragezaga gutatanya abarwanashyaka ba FDC bari bakurikiye inama ya Amurat muri aka Karere.

Inkuru ya The Daily Monitor ivuga ko aba barwanashyaka ba FDC batawe muri yombi ahitwa Burambira, kuri kilometero enye ugana i Kabale, saa kumi n’imwe z’umugoroba.

Ubwo Amuriat yavaga mu modoka ye yahise ashyirwa mu ya polisi mu gihe Besigye na Turinawe banze gusohoka abapolisi bamara umwanya babagose.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza