Uganda Airlines igiye gutangirira ingendo mu bihugu bitatu mu Karere

Yanditswe na IGIHE
Kuya 23 Nyakanga 2019 saa 02:59
Yasuwe :
0 0

Guverinoma ya Uganda yatangaje ko itegereje icyemezo kizemerera Ikigo cyayo cy’Indege, Uganda Airlines, ngo gitangire imirimo y’ubwikorezi bwo mu kirere kigomba kuzatangirira muri Tanzania, Kenya na Somalia.

Kuri uyu wa Kabiri nibwo Umunyamabanga wa Leta Ushinzwe Ubwikorezi, Monica Azuba Ntege, yagaragarije itangazamakuru aho imirimo yo kuzahura iki kigo cy’indege igeze, nyuma y’imyaka cyarasinziriye.

Ati “Uganda Airlines izakorera mu byerekezo byose muri Afurika y’Iburasirazuba, ubu irimo gushakisha icyangombwa cyo gutangira ingendo zigana muri ibyo byerekezo bijyanye n’ibiteganywa n’Ibigo by’indege za gisivili. Ingendo zizaherwaho zizaba ari Nairobi, Dar es Salaam na Mogadishu.’’

Ntege yavuze ko nyuma y’uko Uganda Airlines iheruka kugezwaho indege ebyiri za CRJ 900 ku wa 23 Mata 2019, hari izindi ebyiri z’ubwo bwoko zitegerejwe muri Nzeri 2019. Biteganyijwe ko izindi ebyiri za A330 neo zifite ubushobozi bwo gukora ingendo ndende zo zizahagera mu mpera za 2020.

Nubwo iyo mishinga yose ikomeje, haracyubakwa ibijyanye n’ubuyobozi bwa Uganda Airlines ndetse hashize iminsi mike babonye aho gukorera. Uburyo bwo kugura amatike nabwo bwashyizweho ariko buracyari mu igerageza.

Iki kigo giteganya ko icyangombwa cyemerera indege zacyo kuguruka kizaboneka ku wa 28 Nyakanga 2019, ari nabwo cyifuza gutangira ingendo.

Uganda yatangiranye indege nto zidashobora kurenga akarere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza