Kwamamaza

Uganda: Bakoresheje ingurube bamagana umugambi wo kugurira abadepite imodoka

Yanditswe kuya 16-09-2016 saa 07:38' na Niyonsenga Schadrack


Abantu babiri mu bagize itsinda ry’abashomeri [Jobless Brotherhood] muri Uganda bajyanye ibibwana by’ingurube ku Ngoro y’Inteko Ishinga Amategeko mu rwego rwo kwigaragambya barwanya icyemezo Leta yafashe cyo kugurira buri mudepite imodoka nshya ifite agaciro ka miliyoni magana abiri z’ amashilingi.

Ibi bibwana byakoreshejwe mu myigaragambyo byari byasizwe amabara y’umuhondo n’ubururu mu rwego rwo kugaragaza amashyaka abiri ya politiki arimo iriri ku butegetsi, NRM “National Resistance Movement” n’Iriharanira Impinduka, FDC (Forum for Democratic Change) yombi asanzwe afite imyanya mu Nteko Ishinga Amategeko.

Joseph Mubiru na mugenzi we witwa Ferdinand Luta bageze ku biro by’Ingoro Ishinga Amategeko saa tatu n’iminota 50 zo mu gitondo cyo kuri uyu wa Kane, batwaye ibibwana by’ingurube icumi mu mifuka ine.

Bakihagera aba basore bahambuye imifuka bazanyemo ibi bibwana maze babirekurira mu gipangu giherereyemo iyi nyubako kugira ngo bisakurize aba badepite nk’uko umugambi w’imyigaragambyo.

Icyakora abashinzwe umutekano bahise bahagarika iyi myigaragambyo, bata muri yombi aba basore n’ibibwana byabo.

Ni ku nshuro ya kabiri abagize itsinda ry’abashomeri muri Uganda bigaragambiriza ku Ngoro y’Inteko Ishinga Amategeko bafite inyamaswa nyuma y’uko ubushize nabwo bari bazanye ingurube.

Daily Monitor yanditse ko muri Nyakanga 2014 nabwo abantu babiri bo muri iri tsinda ry’abashomeri bari bakubise ushinzwe umutekano ku Ngoro y’Inteko Ishinga Amategeko ubwo yageragezaga guhagarika imyigaragambyo yo kurwanya ruswa.

Muri iyi myigaragambyo nabwo bari bazanye ibibwana by’ingurube bisize irangi ry’umuhondo nk’ikimenyetso ko iyi ruswa yaba ishyigikirwa cyane n’ishyaka rya NRM rya Perezida Museveni.

Abashomeri bashyamiranye na Polisi
Abigaragambya bafatanye mu mashati n'inzego zishinzwe umutekano
Umupolisi yirukana ikibwana cy'ingurube imbere y'Ingoro y'Inteko Ishinga Amategeko

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved