Kwamamaza

Uganda: Abashinwa 15 batawe muri yombi

Yanditswe kuya 19-09-2016 saa 09:53' na Philbert Hagengimana


Abashinwa 15 bafashwe na Polisi ya Uganda ikorera mu Karere ka Jinja, bazira kuba muri icyo gihugu nta burenganzira babifitiye, nyuma y’aho batahuriwe ko ibyangombwa bibemerera kuhaba no kuhakorera byarengeje igihe.

Daily Monitor dukesha iyi nkuru, itangaza ko abo bashinwa bafashwe mu mukwabo wakozwe ku wa gatanu w’icyumweru twaraye dusoje tariki 16 Nzeri 2016 ku bufatanye bwa Polisi n’inzego z’ubuyobozi bushinzwe umurimo no kubungabunga ibidukikije muri ako karere.

Aba bagabo ngo bafatiwe ku ruganda rwabo rukora amashuka ruherereye mu gace ka Walukuba muri Kasese.

Uretse kuba barabasanganye ibyangombwa byarengeje igihe, abo bashinwa uko ari 15 bashinjwa kwangiza Ikiyaga cya Victoria bakimenamo imyanda, ndetse no kubuza amahwemo abaturage bakora muri urwo ruganda.

Eric Sakwa uhagarariye Polisi muri ako gace, yatangaje ko bafashwe nyuma y’ibirego by’abaturage bakora muri urwo ruganda, bavuga ko abo bashinwa bafatanyije na bamwe mu bayobozi babo b’abanya-Uganda babakubita bikiyongeraho kubahemba intica ntikize.

Eric Sakwa yagize ati “Twaje dutabaye nyuma yo kwakira ibirego bivuga ko abo bantu basa nk’abatumva Icyongereza bakubita abakozi babo. Twaje gusanga benshi muri bo nta n’impapuro zibemerera kuba bakiri hano.”

Icyo kinyamakuru dukesha iyi nkuru cyagerageje kuvugana n’umuyobozi w’ikigo abo bashinwa bakoragamo, ariko ntibyabakundira kuko atari ari muri Uganda.

Itabwa muri yombi ry’aba bashinwa rije rikurikira icyemezo cy’Abadepite bagize Komisiyo y’Ubucuruzi , Inganda n’Amakoperative mu Nteko Ishinga Amategeko ya Uganda, cyo guha amezi atatu abacuruzi bato b’abanyamahanga bakorera muri Uganda, kuba bamaze gushora imari mu mishinga minini cyangwa bagasubira mu bihugu byabo.

Uwo mwanzuro wafatiwe mu nama yahuje abadepite n’abacuruzi mu Mujyi wa Kampala mu ntangiriro z’uku kwezi, nyuma y’uko Inteko Ishinga Amategeko itabajwe ibwirwa ko abanyamahanga bamaze kuganza abagande mu bucuruzi buciriritse.

Icyo gihe Abadepite babashije kwibonera ko abanyamahanga benshi by’umwihariko Abashinwa baza muri Uganda nk’abashoramari, ariko bikarangira bagiye mu duce twa Kikuubo muri Kampala n’utundi dutandukanye bagakora ubucuruzi buciriritse, abanyagihugu bakavuga ko batakibona ibyashara.

Aba Bashinwa barezwe kuba bakubita abaturage bakoresha

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved