Kwamamaza

Uganda: Abantu15 batawe muri yombi bakekwaho ibikorwa bishyigikira ubutinganyi

Yanditswe kuya 5-08-2016 saa 20:14' na Mukaneza M.Ange


Polisi ya Uganda yataye muri yombi abantu 15 bakekwaho kugira uruhare mu gutegura ibirori mu buryo bunyuranyije n’amategeko no gushyigikira ubutinganyi.

Aba bantu batawe muri yombi tariki ya 4 Kanama 2016 nijoro nyuma yo kubasanga mu kabyiniro ahari hateguwe ibirori bihuza abatinganyi.

Uganda ni kimwe mu bihugu 37 byo ku mugabane wa Afurika bidashyigikira na gato ubutinganyi, aho benshi muri bo baba mu bwihisho ku bwo gutinya guhabwa akato no kubura imirimo yabo.

Clare Byaruhanga, umwe mu baharanira uburenganzira bw’abatinganyi muri Uganda yabwiye Reuters ko ku wa kane ahagana saa tanu n’igice z’ijoro aribwo polisi yinjiye mu kabyiniro gaherereye mu mujyi wa Kampala igatangira gukubita abantu no kubakuramo imyenda ishaka kureba niba ari abagabo cyangwa ari abagore.

Yakomeje avuga ko ibi birori byari gutorwamo Nyampinga na Rudasumbwa, byari kubimburira urugendo ruteganyijwe kuri uyu wa Gatandatu mu mujyi wa Kampala.

Abantu 15 batawe muri yombi bahise bajyanwa kuri sitasiyo ya polisi ariko nyuma y’amasaha abiri baza kurekurwa.

Umuvugizi wa Polisi mu gace ibi birori byari byabereyemo, Kayima Emilian, yavuze ko bahisemo kubihagarika kuko ababiteguye batari bigeze babimenyesha inzego z’umutekano kandi ko mu bigaragara bashakaga gushyigikira ubutinganyi kandi butemewe muri Uganda.

Mu ntangiriro za 2014 nibwo perezida Yoweri Museveni yasinye itegeko riha abatinganyi ibihano bikarishye birimo no kwicwa. Itegeko ritigeze ribvugwa rumwe n’ibihugu byo ku mugabane w’u Burayi na Amerika.

Nyuma ariko urukiko rushinzwe kurengera Itegeko Nshinga rwarikuyeho kubera ko hari zimwe mu ngingo zayo zitari zikoze neza.

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved