00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Abantu 800 bahawe inkingo za Covid-19 zidafite ireme

Yanditswe na Akayezu Jean de Dieu
Kuya 1 Nyakanga 2021 saa 10:41
Yasuwe :
0 0

Inzego zishinzwe ubuzima muri Uganda zatahuye ko hari abarenga 800 n’abandi bantu bataramenyekana umubare bo mu bigo bitandukanye mu Mujyi wa Kampala, bahawe inkingo za Covid-19 zitari zo mu kwezi gushize.

Muri abo harimo abagiye bitaba Imana mu nkundura ya kabiri y’icyorezo cya Covid-19.

Umuyobozi w’Ishami ry’Ubuzima mu Biro by’Umukuru w’Igihugu, Dr Wallen Naamara yemeje aya makuru y’uko hari abantu benshi bahawe urukingo rwa Covid-19 rutari rwo hagati ya tariki 15 Gicurasi na 17 Kamena 2021.

Dr Wallen yabwiye Daily Monitor dukesha iyi nkuru ko abantu bahawe urukingo rutari rwo badakwiriye kugira impungenge kubera ko bishoboka ko abagiye babatera izo nkingo bashobora kuba barakoresheje amazi.

Abashinzwe iperereza mu Biro by’Umukuru w’Igihugu, ku wa Gatatu bataye muri yombi abaforomo babiri bo mu Mujyi wa Kampala na Nakawa, aho bashinjwa gutera abantu inkingo za Covid-19 zitari zo.

Hari amakuru avuga ko ku wa 17 Kamena, hari itsinda ry’abaganga ryakoze igenzura ku Kigo Nderabuzima cya Kiswa, ahari ikigo gitangirwaho inkingo cya Nakawa mu Mujyi wa Kampala ritahura ko Abaforomo bagiye baca amafaranga abantu kugira ngo bahabwe inkingo aho doze imwe yagurwaga hagati y’amashilingi 100,000 na 200,000.

Inkingo za Covid-19 zitari zo zatangiye kugaragara muri Uganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .