Kwamamaza

Uganda: Abantu 55 barimo n’abapolisi baguye mu mvururu

Yanditswe kuya 27-11-2016 saa 15:30' na Mukaneza M.Ange


Abantu bagera kuri 55 barimo abapolisi 14 nibo bivugwa ko baguye mu mirwano yabereye i Kasese mu gace ka Rwenzori muri Uganda.

Ku wa Gatandatu mu masaha y’igicamunsi nibwo hatangiye kumvikana urusaku rw’amasasu, ndetse imirwano yakomeje kugeza mu gicuku ubwo inzego z’umutekano zakurikiranaga abakekwaho guteza imvururu.

Mu kiganiro n’itangazamakuru kuri iki Cyumweru, Umuvugizi wa Polisi, Andrew Felix Kaweesi, yemeje ko abapolisi 14 baguye muri iriya mirwano mu gihe abandi 41 ari abari bahanganye nayo n’aho abasirikare babiri ba leta barakomereka.

Yakomeje avuga ko biriya bitero bishobora kuba bifitanye isano na politiki kandi ko hari abantu 15 bakekwaho kubiyobora bamaze gutabwa muri yombi.

Daily Monitor ivuga ko iyi mirwano yatangiye ku wa Kane, ubwo abapolisi n’ingabo za leta bagabaga igitero ku nkambi ikorerwamo imyitozo mu karere ka Kabarole bakica abantu umunani.

Iyi mirwano ngo yaje kongera kubura ubwo kuri uyu wa Gatandatu polisi yataga muri yombi umwamikazi wa Rwenzururu, Agnes Ithungu Nyabahole kugira ngo ahatwe ibibazo.

Nyuma ariko yaje kurekurwa akomeze urugendo rwerekeza mu Mujyi wa Kampala.

Abahoze mu gisirikare cya leta, UPDF bari mu bakekwaho kubarizwa mu itsinda ryateguye iyi mirwano.

Imodoka ya Polisi yatwikiwe muri izi mvururu

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved