00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Abantu 34 bishwe na Covid-19 mu munsi umwe, ibyuma bitanga umwuka byabuze

Yanditswe na IGIHE
Kuya 18 Kamena 2021 saa 09:10
Yasuwe :
0 0

Imibare ya Minisiteri y’Ubuzima muri Uganda ikomeje kugaragaza ubwiyongere bukabije bw’abandura Coronavirus mu gihe abahitanwa n’iki cyorezo kubera ikibazo cyo kubura umwuka nabo bari kwiyongera aho kuri uyu wa Kane babaye 34.

Itangazo ryo ku wa 15 Kamena 2021, rigaragaza ko mu masaha 24 yari ashize handuye abantu bashya 1.584 bituma umubare w’abamaze kwandura bose muri Uganda ugera kuri 67.215.

Iyi mibare ya Minisiteri y’Ubuzima muri Uganda igaragaza ko abari kwandura Covid-19 muri iki gihe bari ku kigero cya 14,6%.

Kuva icyorezo cyagerayo hamaze gufatwa ibipimo 1.228.618,birimo 10.816 byo ku wa 15 Kamena.

Muri Uganda hamaze gutahurwa ubwoko bushya bw’agakoko ka Coronavirus buzwi nka ‘Delta Plus, inzego z’ubuzima zikomeje kugaragaza ko hari ikibazo cyo kubura ibikoresho birimo ibyuma bifasha abarwayi b’iki cyorezo guhumeka.

Ku rundi, Minisiteri y’Ubuzima muri Kenya yatangaje ko ku wa 17 Kamena 2021, abantu bashya 660 banduye Coronavirus basanzwe mu bipimo 6.176 byafashwe mu gihugu hose mu gihe cy’amasaha 24.

Muri rusange iki gihugu kigaragaza ko abandura bageze ku gipimo cya 10,7%. Abamaze kwandura bose kuva icyorezo cyagera muri Kenya ni 177.282 mu gihe muri iki gihugu hamaze gufatwa ibipimo 1.887.636.

Mu duce nka Siaya hagaragayemo abarwayi bashya 123, muri Kisumu haboneka 102 mu gihe mu Mujyi wa Nairobi habonetse abarwayi bashya ba Coronavirus 78.

Abamaze guhitanwa na Covid-19 muri Kenya ni 3.434 ubariyemo na batandatu bapfuye ku wa 17 Kamena.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .