00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Abaganga bahaye Guverinoma amezi atatu ngo ibe yabahaye ibikoresho byo kwirinda COVID-19

Yanditswe na IGIHE
Kuya 25 Kanama 2021 saa 08:43
Yasuwe :
0 0

Uruganga rw’abaganga muri Uganda rwahaye Guverinoma y’iki gihugu amezi atatu ngo ibe yabahaye imiti n’ibikoresho yabemereye bibafasha kwirinda icyorezo cya COVID-19 igihe bari kwita ku barwayi.

Umunyamabanga Mukuru w’uru rugaga, Dr. Mukuzi Muhereza, yavuze ko muri Uganda hari abaganga benshi bakomeje gushyira ubuzima bwabo mu kaga, kubera kwita ku barwayi ba COVID-19 kandi badafite ibikoresho bihagije byo kubarinda birimo udupfukamunwa twabugenewe, uturindantoki n’imyambaro yabugenewe.

Mu ntangiriro z’uyu mwaka iki kibazo abaganga bo muri Uganda bari bakigaragarije Guverinoma ndetse nayo yemera kubafasha kugira ngo babone ibyangombwa byose, gusa amakuru dukesha The Independent avuga ko nta na kimwe barabona.

Uretse ibi bikoresho, abaganga bo muri iki gihugu bavuga ko hari n’inyongera ku mushahara Guverinoma yabemereye kugeza ubu bakaba batarayibona. Bavuze ko nibigera ku wa 6 Ugushyingo 2021 batarahabwa ibyo bemerewe hazafatwa ikindi cyemezo.

Umunyamabanga Mukuru w’urugaga rw'abaganga muri Uganda, Dr. Mukuzi Muhereza yavuze ko Guverinoma y'iki gihugu ikwiye kubaha ibikoresho byo kwirinda COVID-19 yabemereye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .