00:00:00 IGIHE NETWORK KN KINYARWANDA EN ENGLISH FR FRANCAIS

Ubwoba ku ntambara yo muri Ethiopia ishobora guhinduka jenoside

Yanditswe na Bukuru JC
Kuya 27 Kanama 2021 saa 08:53
Yasuwe :
0 0

Kuva mu Ugushyingo umwaka ushize, ubwo intambara hagati y’ingabo za Leta n’umutwe w’Aba-Tigray (TPLF) yanzikaga, ibintu bikomeje kujya habi kuko ikomeje kwaguka, ndetse amakuru akavuga ko iri kugenda ihinduka intambara y’amoko, ku buryo nta gikozwe ishobora kuzahinduka jenoside.

Iyi ntambara yahinduye isura ubwo yatangiraga kwagukira mu bindi bice bitari Tigray, nubwo ariho yiganje. Mu minsi ishize kandi, nibwo undi mutwe uzwi nka OLA, watangaje ko winjiye mu bufatanye na TPLF bwo guhangana n’ingabo za Leta ndetse no gukuraho ubutegetsi bwa Minisitiri w’Intebe, Abiy Ahmed.

Uyu mutwe uri gushinjwa na Komisiyo y’Uburenganzira bwa Muntu muri Ethiopia (EHRC), kuba inyuma y’ibitero byishe abaturage 150 mu duce rwa Oromia ituwe n’abaturage benshi, ndetse na Ahmara, agace ka kabiri mu guturwa n’abaturage bagize b’ubwo bwoko.

Nyuma y’ubu bwicanyi bwibanze mu bice bituwemo n’abo mu bwoko bwa Ahmara, bivugwa ko abaturage bo muri ako gace bagiye kwihimura bakica abandi baturage badahuje ubwoko, ntabwo EHRC yigeze itangaza ubwoko bw’abaturage bagiye kwihimura, cyangwa abo bishe, nubwo bavuze ko barenga 60.

Si ubwa mbere OLA ishinjwa kugira uruhare mu bwicanyi bwibasiye abaturage, kuko no muri Werurwe uyu mwaka, uyu mutwe wari washinjwe kwica abandi bantu barenga 300.

Uyu mutwe wahakanye iby’aya makuru yose, uvuga ko ibyo uri gushinjwa bigamije kuwuharabika na cyane ko kuva muri Gicurasi uyu mwaka, Leta ya Ethiopia yawemeje nk’umutwe w’iterabwoba.

Umuryango w’Abibumbye wavuze ko abaturage barenga miliyoni eshanu bari mu byago byo kwibasirwa n’inzara ikabije mu gice intambara itatanga agahenge, mu gihe USAID igaburira 7% by’abaturage ba Ethiopia, yatangaje ko muri iki cyumweru ishobora gushirirwa n’ibiribwa.

Abaturage barenga miliyoni ehanu bashobora kwibasirwa n'ikibazo cy'inzara mu gihe intambara imaze amezi 10 muri icyo gihugu itatanga agahenge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .