Kwamamaza

Ubunyamabanga bwa EAC mu nkiko kubwo kwirukana abakozi binyuranye n’amategeko

Yanditswe kuya 27-08-2016 saa 19:21' na Cyprien Niyomwungeri


Abakozi batandatu b’Ubunyamabanga bw’Umuryango wa Afurika y’Iburasirazuba (EAC), bitabaje urukiko ngo barenganurwe ku birebana n’amasezerano yabo y’akazi.

Abo bakozi bagejeje ikirego cyabo mu rukiko rw’Umuryango wa Afurika y’Iburasirazuba (EACJ), ni abakorana n’Umuryango w’Afurika Yunze Ubumwe mu mahoro n’umutekano (African Peace and Security Architecture Project, APSA).

Kuwa 17 Kamena uyu mwaka nibwo Umunyamabanga wa EAC, Dr Libérat Mfumukeko, yandikiye abakozi ba APSA abamenyesha ko amasezerano yabo yarangiye ndetse abategeka kuba bamaze guhagarara ku kazi mu mezi atatu akurikiyeho.

Yabandikiye ko icyo cyemezo cyagendeye ku kugabanuka kw’inkunga y’Umuryango w’Ubumwe bw’u Burayi, watangaga ubinyujije mu muryango w’Ubumwe bwa Afurika (AU), ngo ifashe ibikorwa bya bariya bakozi.

Iyo baruwa yagiraga iti “Dushingiye ko EAC nta nkunga ifite yo gufasha imishinga ya APSA, turabamenyesha ko mufite amezi atatu ngo amasezerano y’akazi kanyu arangire duhereye kuwa 20 Kamena 2016.”

Abakozi basezerewe ku kazi bavuga ko icyemezo cyafashwe cyo guhagarika amasezerano yabo gihabanye n’amategeko agenga EAC, bagasaba Dr.Mfumukeko kongera kugisuzumana ubushishozi.

The Eastafrican dukesha iyi nkuru ivuga ko aba bakozi basobanuye ko nubwo inkunga yari yaratinze gutangwa, EAC yiteguraga kuyibona kuko byari mu cyiciro cya nyuma.

Ubusabe bwavugaga ko “ Habura igihe gito ngo AU isure imiryango y’Ubukungu yo muri aka karere, mu gikorwa cyo gusinya amasezerano y’ubufatanye. Basabaga ko Ubunyamabanga bwa EAC bwatera inkunga ibikorwa bya APSA aho kuyihagarika kuko kuwa 23 Nyakanga bari guhabwa amafaranga yari busubizwe EAC akanabahemba uyu mwaka wose.”

Umwanditsi w’urukiko, Yufnalis Okubo yatangaje ko kumva ibisobanuro ku busabe bwo gukuraho icyemezo cya Dr.Mfumukeko, bizaba kuwa 14 Nzeli 2016.

Mu bunyamabanga bwa EAC haravugwamo ibindi bibazo birimo imitangire y’amasoko y’ubwishingizi, ibibangamiye ubucuruzi n’urujya n’uruza rw’abantu hagati y’u Burundi n’u Rwanda ndetse no kuba Umunyamabanga Mukuru Wungirije Ushinzwe Imari n’Ubutegetsi ataratangira akazi.

Abakozi batandatu batanze ikirego cyabo mu rukiko rw'Umuryango wa Afurika y'Iburasirazuba

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved