Kwamamaza

U Bushinwa bwahaye EAC 200.000$ nk’inkunga mu biganiro by’amahoro mu Burundi

Yanditswe kuya 28-09-2016 saa 07:10' na Philbert Hagengimana


Leta y’u Bushinwa yahaye Umuryango wa Afurika y’Iburasirazuba, inkunga y’amadolari ya Amerika ibihumbi Magana abiri (200.000$) azifashishwa mu biganiro by’amahoro hagati ya Leta y’u Burundi n’abatavuga rumwe na yo.

Mu izina rya EAC, iyo nkunga yakiriwe na Phillip Wambugu, ushinzwe ibikorwa remezo muri EAC, wahise anashimira Leta y’u Bushinwa umuhate wayo mu gufasha mu biganiro byo kugarura amahoro arambye mu Burundi.

Africa News dukesha iyi nkuru yatangaje ko iyo nkunga ari iyo gushyigikira ikemurwa ry’ihuse ry’ibibazo bya Politiki mu Burundi nk’uko bitangazwa na Gou Hoadong, Umukozi muri Ambasade y’u Bushinwa muri Tanzania.

Mu nama ya 17 y’abakuru b’ibihugu bigize EAC, Benjamin Mkapa yari yabasabye ko bashyiraho akabo hagatangwa inkunga ifatika, aho kugira ngo bakomeze gutegera amaboko Umuryango w’Ubumwe bw’u Burayi na Leta y’u Bushinwa.

Yagize ati “Twarambirije ku nkunga z’Umuryango w’Ubumwe bw’u Burayi na Leta y’u Bushinwa kuva twatangira, ariko ndumva nabasaba ba Nyakubahwa gutanga inkunga iruseho.”

Ibiganiro by’amahoro mu Burundi biyobowe n’Umuhuza Benjamin Mkapa wahoze ari Perezida wa Tanzania, byatangiye muri Gicurasi uyu mwaka, kugeza ubu bikaba nta gifatika birageraho, dore ko byagiye bizitirwa mu ntangiriro zabyo kugeza ubwo Urugaga rw’Abaminisitiri ba EAC rusabye impande zombi muri ibyo biganiro kubiha agaciro kabyo kugira ngo haboneke amahoro arambye.

Ubwo ibyo biganiro byatangiraga, Leta y’u Burundi yari yavuze ko idashobora gushyikirana n’abayirwanya, banagerageje guhirika Perezida Nkurunziza ku butegetsi, bagateza imvururu mu gihugu zanahitanye abantu bagera kuri 450 abandi basaga 250.000 bakava mu byabo bamwe bagahungira mu bihugu by’ibituranyi.

Byaje gusubukurwa, ariko byongera kuzitirwa n’uko Leta y’u Burundi itavaga ku izima ku gatebo yashyizemo abatavuga rumwe na yo, ibyo bihurirana n’urupfu rwa Depite Hafsa Mossi wari mu Nteko Ishinga Amategeko ya EALA.

Imvururu mu Burundi zafashe indi ntera kuwa 26 Mata 2015, ubwo Ishyaka CNDD-FDD ryari ryemeje Pierre Nkurunziza nk’umukandida waryo mu matora y’Umukuru w’igihugu yari ateganyijwe.

Kuva ubwo, abatavuga rumwe n’ubutegetsi bahise batangiza imyigaragambyo yamagana manda ya gatatu ya Nkurunziza, aho bavugaga ko inyuranyije n’Itegeko Nshinga ry’icyo gihugu.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved