U Burundi bwasabye abaturage kuneka abaturanyi babo

Yanditswe na IGIHE
Kuya 1 Ukuboza 2019 saa 11:12
Yasuwe :
0 0

Guverinoma y’u Burundi yasabye imiryango kwandika no kumenyesha ubuyobozi umushyitsi uwo ariwe wese ndetse no gutata abaturanyi bakamenya abantu babagendereye.

Ibi Minisitiri w’Umutekano mu Burundi, Pascal Barandagiye, yabivuze nyuma y’ibitero bya hato na hato biherutse kugabwa ku gihugu.

Ubuyobozi bwategetse abafite inzu z’ubucuruzi mu Mujyi wa Bujumbura gushyira amatara nibura abiri hanze no kujya ahora yaka buri joro. Utubari twasabwe gukora kugeza saa tatu z’ijoro ukuyemo mu minsi y’impera z’icyumweru.

Aya mahame mashya aje nyuma y’ibitero bibiri mu gihe kitarenze ibyumweru bitatu byagabwe n’abantu bitwaje intwaro.

Mu gitero cya mbere, nibura abantu 14 nibo bishwe kuwa 21 Ukwakira mu mirwano yahuje Ingabo z’u Burundi n’abarwanyi b’umutwe wa REB Tabara ubarizwa muri Repubulika Iharanira Demokarasi ya Congo.

Mu gitero cya kabiri, abarwanyi na none bigabije inkambi ya gisirikare ku wa 16 Ugushyingo aho bivugwa ko abagera kuri 50 aribo bakiguyemo.

Minisitiri w’Umutekano mu Burundi, Pascal Barandagiye, yasabye abaturage kurushaho gukorana n'inzego z'umutekano

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza