Kwamamaza

U Burundi bwamaganye Komisiyo ishinzwe iperereza yashyizweho na Loni

Yanditswe kuya 25-11-2016 saa 19:07' na Mukaneza M.Ange


Leta y’u Burundi ku wa Kane yatangaje ko idashobora kugirana ubufatanye ubwo aribwo bwose na komisiyo iherutse gushyirwaho n’Ishami ry’umuryango w’Abibumbye ryita ku burenganzira bwa muntu, yahawe inshingano zo gukora iperereza ku byaha byakorewe muri iki gihugu kuva umwaka ushize.

Ku wa kabiri tariki 22 Ugushyingo 2016 nibwo iyi komisiyo yashyizweho kugira ngo ikore iperereza ryimbitse ku byaha byakorewe mu Burundi kuva muri Mata 2015 ubwo Perezida Nkurunziza yatangazaga ko aziyamamariza manda ya gatatu, imvururu zigatangira ubwo.

Iyi komisiyo igizwe n’inararibonye eshatu zirimo Fatsah Ouguergouz ukomoka muri Algérie, Reina Alapini Gansou wo muri Bénin na Francoise Hampson wo mu Bwongereza, yashyizweho kugira ngo ishake amazina y’abakoze ibyaha biherutse kugaragazwa na raporo ya Loni yasohotse muri Nzeri 2016.

Muri iyi raporo Loni ishinja guverinoma kugira uruhare mu guhutaza uburenganzira bwa muntu ndetse ikanavuga ko mu Burundi hashobora kuba Jenoside, ibintu leta yateye utwatsi.

Mu kiganiro yagiranye na Reuters, Minisitiri ufite mu nshingano uburenganzira bwa muntu, Martin Nivyabandi yavuze ko nta mikoranire bazigera bagirana n’iriya komisiyo.

Nivyabandi kandi yigeze kuvuga ko hari imiryango mpuzamahanga yihaye intego yo kubuza amahoro guverinoma zitandukanye muri Afurika.

Iyi komisiyo ishyizweho mu gihe muri Mata 2016 aribwo Umushinjacyaha Mukuru w’Urukiko Mpuzamahanga Mpanabyaha, ICC, Fatou Bensouda yari yatangaje ko hagiye gukorwa iperereza nyuma ya raporo zagendaga zigaragaza ko mu Burundi abantu bafungwa binyuranyije n’amategeko, abandi bakicwa ndetse abagore bagafatwa ku ngufu.

Hari amakuru avuga ko kwiyongera kw’ibirego biri mu byatumye mu Ukwakira 2016 Perezida Petero Nkurunziza asaba ko hatorwa itegeko rikura u Burundi muri ICC, nubwo kuvamo bitabuza ko ubutegetsi bukurikiranwa kuko iperereza ryatangiye mbere y’uko itegeko ritorwa.

Bamwe mu baturage bahunga imvururu zo muri Nyakanga 2015

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved