00:00:00 IGIHE NETWORK KN KINYARWANDA EN ENGLISH FR FRANCAIS

U Burayi bwahagaritse kohereza indorerezi mu matora yo muri Ethiopia

Yanditswe na Mutangana Gaspard
Kuya 4 Gicurasi 2021 saa 04:24
Yasuwe :
0 0

Umuryango w’Ubumwe bw’u Burayi, EU watangaje ko nta ndorerezi uzohereza mu matora y’Abagize Inteko Ishinga Amategeko muri Ethiopia ateganyijwe kuba muri Kamena 2021, ngo kubera kutumvikana n’iki gihugu ku ngingo z’ingenzi.

Bimwe mu by’uyu muryango wavuze utabashije kumvikanaho na Ethiopia harimo ibijyanye n’ubwigenge bw’izi ndorerezi ndetse no kwinjiza mu gihugu ibikoresho by’itumanaho bizafasha mu kuzicungira umutekano, aho ngo Leta ya Ethiopia yababujije kubyinjiza.

Mu butumwa bw’Umuyobozi Mukuru ushinzwe dipolomasi muri uyu muryango, Josep Borrell, yavuze ko bibabaje kuba u Burayi butazohereza indorerezi muri aya matora.

Ati “Birababaje kuba Umuryango w’Ubumwe bw’u Burayi utarahawe iby’ingenzi kugira ngo ugeze ku banya-Ethiopia ikimenyetso kigaragara cyo kubashyigikira mu rugendo rwabo rwa Demokarasi.”

EU yasabye Ethiopia kuzakora amatora anyuze mu mucyo. Aya matora ateganyijwe kuba ku wa 5 Kamena nyuma y’uko yari yasubitswe kubera icyorezo cya COVID-19.

Umuyobozi Mukuru ushinzwe dipolomasi muri EU, Josep Borrell yavuze ko uyu muryango utazohereza indorerezi muri Ethiopia

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .