Tunisia: Ubwato bwari butwaye abimukira basaga 70 bwarohamye

Yanditswe na Akayezu Jean de Dieu
Kuya 5 Nyakanga 2019 saa 01:44
Yasuwe :
0 0

Ubwato bwari butwaye abimukira benshi bwarohamye ku cyambu cya Tunisia kuri uyu wa Kane tariki 4 Nyakanga 2019, ubwo bavaga muri Libya berekeza i Burayi.

Umukozi w’Umuryango Red Crescent, Mongi Slim yabwiye Reuters ko ubu bwato bwarohamye ubwo bwari bugeze ku cyambu cya Zarzis.

Mongi yakomeje avuga ko hari harokotse abantu bane ariko umwe nawe yaje kwitaba Imana ageze mu bitaro.

Muri Gicurasi hari abimukira bagera kuri 65, barohamye mu bwato muri iki gihugu ubwo berekezaga i Burayi.

Abimukira b’abanyafurika bakunze kurohama mu Nyanja bagiye i Burayi gushakayo ubuzima bwiza kubera uburyo baba batwawemo.

Umuryango Mpuzamahanga wita ku bimukira, IOM, watangaje ko mu 2017 abagera ku 3100 baguye mu Nyanja ya Méditerranée bagerageza kujya ku mugabane w’u Burayi.

Abimukira basaga 70 nibo bari bari mu bwato bwarohamye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza