00:00:00 IGIHE NETWORK KN KINYARWANDA EN ENGLISH FR FRANCAIS

Tchad: Abaturage bigabije imihanda bamagana igisirikare kiyoboye igihugu

Yanditswe na Sibomana Patrick
Kuya 8 Gicurasi 2021 saa 08:24
Yasuwe :
0 0

Nyuma y’urupfu rw’uwari Perezida wa Tchad, Idriss Déby, agasimburwa n’umuhungu we Mahamat Idriss Itno, abatavuga rumwe n’ubutegetsi biroshye mu mihanda yo mu mujyi wa N’Djamena bakora imyigaragambyo bijujutira igisirikare kiriho.

Tchad iyobowe na Mahamat Itno ukuriye akanama ka gisirikare kari ku butegetsi mu gihe cy’inzibacyuho izamara amezi 18.

Ku wa Gatanu nibwo muri iki gihugu hatangiye imyigaragambyo y’abaturage bamagana igisirikare kiri ku butegetsi biba ngombwa ko Polisi yitabaza imyuka iryana mu maso mu kubatatanya.

Mu gitondo cyo kuri uyu wa Gatandatu abatavuga rumwe n’ubutegetsi na none biroshye mu mihanda bigaragambya; baririmba, bazunguza amabendera abandi bafite ibyapa byanditseho ko badashaka Leta ya ’Cyami’ kuko uyoboye igihugu ari umuhungu wa Perezida wapfuye amaze imyaka 30 ku butegetsi.

Muri uko guhosha iyo myigaragambyo, hari abayikomerekeyemo.

Ibi bibaye nyuma y’aho igisirikare cyari cyijeje abatavuga rumwe n’ubutegetsi ko kigiye gutegura amatora mu mezi 18, ariko abatavuga rumwe nabwo ntibabikozwe.

Abigaragambya bari banafite amabendera y’u Bufaransa nk’ikimenyetso cyo kwamagana Leta y’icyo gihugu ishyigiye igisirikare kiyoboye Tchad.

Abaturage batavuga rumwe n'ubutegetsi bigaragambije bamagana igisirikare kiyoboye igihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .