Kwamamaza

Tanzania: Imibare y’abahitanywe n’umutingito ikomeje kwiyongera

Yanditswe kuya 16-09-2016 saa 11:54' na Niyonsenga Schadrack


Ubuyobozi bwa Tanzania bwemeje ko umutingito wabaye ku wa gatandatu tariki 10 Nzeri 2016 wahitanye abantu 19 aho kuba 17 nk’uko byari byatangajwe mu minsi ishize.

Ubu buyobozi buvuga ko nyuma y’abantu 17 bari batangajwe mbere ko bahitanywe n’uyu mutingito, habonetse abandi babiri.

Umwe mu bayobozi b’akarere ka Bukoba babwiye The citizen ko abo bantu bose uko ari babiri bakomoka muri Bukoba. Yavuze ko muri abo harimo umwana w’ukwezi kumwe witwa Luqman Suleiman, waturukaga mu gace ka Kashenye ndetse na Irene Jackson wakomokaga mu gace ka Buterankuzi.

Umutingito wibasiye agace ka Kagera uturutse mu kiyaga cya Victoria, wakomerekeyemo abantu 40, usenya inzu 1044, ndetse unangiza izindi 6281 nk’uko Murshid Ngeze uyobora Bukoba yabitangaje.

Ngeze yavuze kandi ko abantu bagera kuri 40 bakomeretse, icyenda bajyanwa ku bitaro byo muri aka Karere no ku bindi bigo nderabuzima bibiri.

Yagize ati “Mu bakomeretse, hari bane bari kuvurirwa ku bitaro bya Izimbya, abandi batatu bari kwitabwaho n’ikigo nderabuzima cya Katoro naho abandi babiri bari ku kigo nderabuzima cya Kanazi”.

Ubuyobozi muri Tanzania bwashyizeho itsinda ry’abantu bashinzwe gukurikirana neza ibyangijwe n’uyu mutingito mu turere 29 tugize iki gihugu.

Ngeze uherutse kwigira mu murwa mukuru wa Dar es Salaam mu nzego nkuru za Leta gushakira ubufasha abaturage bo mu karere ke bashegeshwe n’umutingito, yatangaje ko bwatinze kubageraho.

Ati “Nta bufasha bwihuse twakiriye buvuye muri Leta kuva umutingito waba, Agace ka Bukoba kagombaga kwitabwaho cyane mu butabazi. Abaturage bagerageje gufashanya ariko hari abakirara mu mbeho.”

Umuryango utabara imbabare “Croix Rouge” bivugwa ko waba warageze muri aka gace ukagira abo ubasha gufasha.

Uyu mutingito wari ku kigero cya 5.7, wageze no mu bindi bihugu birimo Uganda, u Rwanda n’amahanga ya kure.

Inzi zitari nke zangijwe n'umutingito

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 21 Ugushyingo 2016
Copyright © 2009 -2014 - IGIHE Ltd - All Rights Reserved