Tanzania: Umugore wa Perezida Magufuli yavuye mu bitaro

Yanditswe na Kanamugire Emmanuel
Kuya 12 Ugushyingo 2016 saa 03:26
Yasuwe :
0 0

Umugore wa Perezida wa Tanzania, John Pombe Magufuli wari urwariye mu bitaro bya Leta bya Muhimbili biherereye mu Mujyi wa Dar es Salaam, yasubiye mu rugo.

Janeth Magufuli yari yajyanywe mu bitaro ku wa Gatatu w’iki cyumweru mu buryo butunguranye.

BBC yanditse iyi nkuru ivuga ko ubu ameze neza ndetse ko yamaze gusubizwa mu rugo.

Mbere yo gusohoka mu bitaro yagize ati “ Nshimiye Imana kuba ubuzima bwanjye bwongeye kumera neza, ndongera no gushimira abaganga banyitayeho, bakampa serivisi nziza, kuko ubwo nazanwaga aha sinari nzi aho ndi, ubuzima bwanjye bwari bumeze nabi, mwarandwaniriye none ubu nsubiye mu rugo mfite ubuzima bwiza.”

Yongeyeho ati “ Ndashaka gushimira Abanya-Tanzania bose kuba baransengeye, nagira ngo mbahamirize ko ubu meze neza, ubu abaganga banyemereye ko nsubira mu rugo aho ngiye gukomereza imiti yanjye.”

Umugore wa Perezida Magufuli yari arwariye mu Bitaro bya Muhimbili

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza