Kwamamaza

Perezida Magufuli yirukanye babiri bashatse kunyereza inkunga y’abashegeshwe n’umutingito

Yanditswe kuya 29-09-2016 saa 12:09' na Cyprien Niyomwungeri


Ibiro bya Perezida wa Tanzania, John Pombe Magufuli, byatangaje ko yirukanye abayobozi bakuru babiri bafunguje konti mpimbano bagamije kunyereza inkunga y’ingoboka yagenewe abashegeshwe n’umutingito.

Nibura abantu 16 barapfuye abandi barenga 200 barakomereka, inzu zigera kuri 800 zisenywa n’umutingito wo kuwa 10 Nzeri uyu mwaka washegeshe Amajyaruguru ya Tanzania mu Karere ka Bukoba.

Guverinoma zitandukanye zagiye zitanga inkunga yo kugoboka abasizwe iheruheru n’uwo mutingito. Kuwa 27 Nzeri 2016, Guverinoma y’Ubuhinde yatanze miliyoni 545 z’amashilingi ya Tanzania ni ukuvuga ibihumbi 250 by’amadolari ya Amerika.

Itangazo rya Perezidansi rivuga ko abayobozi babiri birukanwe bafunguje konti muri banki zifite amazina amwe n’izo Guverinoma yafunguye. Abo bayobozi ngo bashakaga gukoresha ayo makonti ngo bakusanye inkunga bayikoreshe mu bikorwa byabo kandi ari iyo gufasha abashegeshwe n’umutingito.

Ibitangazamakuru byo muri Tanzania bitangaza ko abirukanywe barimo Umunyamabanga ushinzwe ubutegetsi mu ntara ya Kagera, Amantius Msole na Steven Makonda wari ushinwe inama y’ubuyobozi y’umujyi wa Bukoba. Hanahagaritswe ku kazi umucungamutungo witwa Simbaufoo Swai.

Kugeza abahanwe ntacyo baratangaza.

Umutingito wasenye inzu zirenga 800

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved