Tanzania: Nta birori byo kwizihiza Pasika bizabaho

Yanditswe na Ntabareshya Jean de Dieu
Kuya 3 Mata 2021 saa 10:03
Yasuwe :
0 0

Polisi y’Igihugu muri Tanzana yatangaje ko nta birori byo kwizihiza umunsi mukuru wa Pasika bizaba bitewe n’uko igihugu kiri mu minsi 21 yo kunamira John Pombe Magufuli wari Perezida uherutse kwitaba Imana.

Mu itangazo ryashyizwe hanze ku wa 02 Mata 2021, Polisi y’Igihugu yatangaje ko abizihiza umunsi wa Pasika bazitabira amateraniro mu nsengero mu mutuzo birinda ibirori.

Ahanini impamvu zo guhagarara kw’ibirori bya Pasika ni uko igihugu kiri mu minsi 21 yo kunamira uwahoze ari Perezida wacyo Dr John Pombe Magufuli witabye Imana ku wa 17 Werurwe 2021.

N’ubwo Magufuli yashyinguwe ku wa 26 Werurwe 2021, Perezida mushya Samia Suluhu Hassan yategetse ko mu gihugu hose habaho iminsi 21 yo kumwunamira nyuma y’urupfu rwe.

Birumvikana ko igihe cy’icyunamo cyatangiye ku wa 18 Werurwe 2021 nyuma y’urupfu rwa Magufuli kizarangira ku wa 7 Mata kandi ko Pasika izaba ku wa 4 Mata 2021.

Umuvugizi wa Polisi ya Tanzania, David Misime, yavuze ko Polisi izafasha abakirisitu kwitabira ibikorwa by’amasengesho mu mahoro kandi ko nta muntu ukwiye guhungabanya ituze rya rubanda cyane ko imirimo y’abaturage izaba irimbanyije.

Tanzania iracyari mu cyunamo cyo kwibuka Magufuli wari Perezida

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .