00:00:00 IGIHE NETWORK KN KINYARWANDA EN ENGLISH FR FRANCAIS

Tanzania ku rutonde rw’ibihugu byiteguye guhabwa inkingo n’u Buholandi

Yanditswe na Mukahirwa Diane
Kuya 21 Nyakanga 2021 saa 10:46
Yasuwe :
0 0

U Buholandi bwemeje ko bugiye gutanga inkingo 745.000 za AstraZeneca zo guhangana n’icyorezo cya Covid-19, zizahabwa ibihugu bikennye birimo Tanzania na Namibia.

Itangazo ryasohowe n’u Buholandi ryavuze ko ubu inkingo ibihugu byasabye zose zihari zibitswe ahabugenewe mu Mujyi wa Oss.

Tanzania yavuze ko hakiri ibiganiro hagati y’ibihugu byombi kugira ngo habashwe gukurikizwa gahunda ya Minisiteri y’Ubuzima yo gutanga inkingo.

Umuyobozi ushinzwe Ubuvuzi muri Tanzania, Dr Aifello Sichalwe, yabwiye The Citizen ko nubwo ibihugu byombi bitararangiza ibiganiro, ariko ko guverinoma yashyizeho amabwiriza areba ibihugu bizabaha inkunga z’inkingo.

Aya mabwiriza yemerera amadini, ibitaro byigenga n’ibindi bigo bitandukanye gufata inkingo bigakingira abantu babyo bakurikije amabwiriza ya leta.

Tanzania ni kimwe mu bihugu byasabye OMS guhabwa inkingo binyuze muri gahunda izwi nka Covax, ikaba iherutse gutangaza ko igiye gutangira gukora inkingo za Covid-19.

Imibare y’inzego z’ubuzima muri Tanzania yerekana ko muri iki gihugu abantu 509 bamaze kwandura Coronavirus, muri bo 183 barayikize mu gihe 21 yabahitanye.

Tanzania ku rutonde rw’ibihugu byiteguye guhabwa inkingo n’u Buholandi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .