00:00:00 IGIHE NETWORK KN KINYARWANDA EN ENGLISH FR FRANCAIS

Tanzania irateganya gukora inkingo za Covid-19

Yanditswe na Umwali Zhuri
Kuya 7 Nyakanga 2021 saa 09:06
Yasuwe :
0 0

Tanzania irateganya gutangira gukora inkingo za Covid-19 muri gahunda igamije kugabanya igiciro cyatangwa zitumizwa mu mahanga.

Umunyamabanga uhoraho muri Minisiteri y’Ubuzima, Prof Abel Makubi, ku cyumweru gishize yatangaje ko urwo ruganda ruzajya rukora inkingo za Covid-19 cyo kimwe n’indi miti ivura izindi ndwara.

Ati “Dufite inzobere nyinshi. Ntabwo tuzakora inkingo za Covid-19 gusa ahubwo n’izindi z’ibindi byorezo ku buryo iki cyorezo nikirangira, Tanzania izaba igifite ubushobozi bwo gukorera indi imiti imbere mu gihugu.”

Yavuze ko nta gahunda guverinoma ye iteganya yo kugurisha inkingo ku baturage, ndetse izashyiraho n’amabwiriza akaze abuza abantu kuba bazitumiza mu mahanga.

Ku wa 17 Gicurasi 2021, Perezida Samia Suluhu Hassan yakiriye raporo y’impuguke ivuga ku miterere ya Covid-19 muri Tanzania. Umwe mu myanzuro w’izo mpuguke ni uko leta ikwiriye kwemerera abantu kuba bakwikingiza Covid-19 ku bushake no gusubukura gahunda yo gutangaza imibare y’abanduye iki cyorezo.

Mu kwezi gushize, Guverinoma ya Tanzania yatangaje ko iteganya gukoresha miliyoni 470$ mu bikorwa bigamije kurwanya Covid-19.

Mu gihe umubare munini w’ayo mafaranga azakoreshwa mu bijyanye no kugura ibikoresho by’ubwirinzi n’imiti, andi agenewe kuzifashishwa mu kuzahura inzego zagizweho ingaruka na Covid-19.

Magingo aya, Tanzania ni kimwe mu bihugu byasabye OMS guhabwa inkingo binyuze muri gahunda izwi nka Covax.

Tanzania irateganya gukora inkingo za Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .