00:00:00 IGIHE NETWORK KN KINYARWANDA EN ENGLISH FR FRANCAIS

Tanzania igiye gukora igenzura ku nkingo za Covid-19

Yanditswe na Nkurunziza Jean Baptiste
Kuya 15 Gicurasi 2021 saa 10:44
Yasuwe :
0 0

Perezida wa Tanzania, Samia Suluhu Hassan, yavuze ko leta ye iri gusuzuma inkingo ziri mu bindi bihugu mu gushaka uburyo yagura iza Covid-19.

Kuri uyu wa Gatanu, Perezida Samia yavuze ko igihugu cye kidakwiye kwakira ibibonetse byose bivuye hirya no hino ku Isi harimo n’ inkingo za Covid-19 kitabanje kwikorera ubusesenguzi.

The Citizen yatangaje ko Perezida Samia yibukije ko icyorezo cya Covid-19 cyahungabanyije Isi muri rusange bityo ngo Tanzania ntikwiye gusigara inyuma mu guhangana nacyo.

Yavuze ko guverinoma yumvise impungenge zagaragajwe ku nkingo za Covid-19, yizeza ihuriro ry’Abayisilamu yari yatumiwemo ko ubuyobozi bwe buri kubyitaho kandi ko butazigera bwemera buri kimwe cyose buhawe butabanje kureba niba gikwiriye abaturage b’iki gihugu.

Tanzania iri mu bihugu bitagira inkingo za Covid-19 bivuze ko nta baturage bayo bakingiwe, usibye abakozi mpuzamahanga bakorerayo ariko nabwo bakingiwe bigizwemo uruhare n’ibihugu byabo. Urugero ni Abanyarwanda bakorera i Arusha mu Rukiko Mpuzamahanga Mpanabyaha n’abari mu nzego za EAC zihafite icyicaro.

Iki gihugu kandi mu minsi yashize, cyari cyaramaganye icyorezo cya Covid-19, kigaragaza ko nta kiri ku butaka bwacyo.

Perezida wa Tanzania, Samia Suluhu Hassan, yavuze ko leta ye iri gusuzuma inkingo ziri mu bindi bihugu kugira ngo imenye amakuru ajyanye nazo mbere y’uko hagira izo yakira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .