00:00:00 IGIHE NETWORK KN KINYARWANDA EN ENGLISH FR FRANCAIS

Tanzania: Guverinoma yahishuye ko yanga gushyira hanze amakuru ya Covid-19 nkana

Yanditswe na IGIHE
Kuya 24 Kamena 2021 saa 11:58
Yasuwe :
0 0

Minisiteri y’Ubuzima muri Tanzania yatangaje ko nubwo idaheruka gushyira hanze amakuru ajyanye n’uko icyorezo cya Covid-19 gihagaze muri iki gihugu iba iyafite.

Mu kiganiro Minisitiri w’Ubuzima wungirije muri Tanzania, Godwin Mollel yagiranye na Deutsche Welle, yavuze ko iki gihugu kitigeze gihagarika gukusanya amakuru ajyanye n’uko Covid-19 ihagaze nubwo kitigeze kiyashyira hanze.

Ati “Imibare irahari. Iyo iza kuba idahari cyangwa ngo tumenye uko ibintu biri kugenda, buri wese yari kuba ahangayitse.”

Guverinoma ya Tanzania yavuze ko ifite uburyo bwihariye iganira n’imiryango ikora mu bijyanye n’ubuzima irimo n’Ishami ry’Umuryango w’Abibumbye ryita ku Buzima, OMS, mu kuyimenyesha uko iki cyorezo gihagaze mu gihugu.

Tanzania iheruka gushyira hanze amakuru ajyanye n’uko Covid-19 ihagaze muri Gicurasi 2020.

Impaka zijyanye n’imibare ya Covid-19 muri Tanzania zongeye kubyuka nyuma y’uko iki gihugu cyandikiye Ikigega Mpuzamahanga cy’Imari ku Isi (IMF) gisaba inguzanyo ya miliyoni 571 z’amadolari ya Amerika mu rwego rwo guhangana n’ingaruka za zayo.

Bimwe mu bigenderwaho kugira ngo igihugu gihabwe iyi nguzanyo ni uko kiba gishyira hanze imibare y’uko Covid-19 ihagaze, bikaba bikekwa ko ari yo mpamvu Tanzania yatangiye kuvuga ko imibare yose iyifite nubwo itayitangazaga.

Guverinoma ya Tanzania yavuze ko itigeze ihagarika gukusanya amakuru kuri COVID-19 nubwo itayashyira hanze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .