Kwamamaza

Sudani y’Epfo: Kera kabaye Guverinoma yemeye kwakira ingabo za Loni

Yanditswe kuya 5-09-2016 saa 11:14' na Uwishyaka Jean Louis


Nyuma y’iminsi mike Leta ya Sudani y’Epfo iteye utwatsi umwanzuro wa Loni wo kohereza ingabo zawo muri iki gihugu kugira ngo zibungabunge umutekano, noneho yashyize yemera izo ngabo.

Mu ntangiriro z’ukwezi kwa karindwi uyu mwaka, ni bwo muri Sudani y’Epfo hongeye kwaduka imirwano ihanganishije ingabo zo ku ruhande rwa Perezida Salva Kiir ndetse n’iz’uwahoze ari Visi Perezida w’iki gihugu Dr Riek Machar.

Kuva icyo gihe imirwano yakomeje gufata intera, aho abantu amagana bamaze kuyisigamo ubuzima ndetse n’ibihumbi by’abaturage bava mu byabo.

Nyuma gato ku wa 12 Kanama 2016, akanama gashinzwe umutekano mu muryango w’abibumbye (UN) katoye umwanzuro wo kohereza ingabo zawo 4000 ziyongera ku zari zisanzwe ziriyo mu rwego rwo kubungabunga umutekano, gusa uyu mwanzuro wahise wamaganirwa kure na Perezida Salva Kiir avuga ko byaba ari ukuvogera ubusugire bw’igihugu cye.

Gusa n’ubwo iki gihugu cyakomeje gutsimbarara ku cyemezo cyacyo cyo kutemera izo ngabo, kera kabaye noneho cyashyize cyemera ko izo ngabo za Loni zakoherezwa muri iki gihugu kugira ngo zifatanye n’izisanzweyo kugarura umutekano umaze iminsi ugerwa ku mashyi.

BBC itangaza ko Leta ya Sudani y’Epfo ibinyujije kuri Minisitiri ushinzwe ibikorwa bya Guverinoma Martin Elia Lomoro, yasohoye itangazo rivuga ko Guverinoma y’iki gihugu yatanze uburenganzira bwo kohereza ingabo za Loni zo kubungabunga umutekano mu murwa mukuru Juba.

Ibi Leta y’iki gihugu ibyemeye nyuma y’inama yabaye ku wa gatandatu w’icyumweru twaraye dusoje, inama yahuje intumwa z’akanama gashinzwe umutekano mu muryango w’abibumbye ndetse n’abayobozi b’abadini muri iki gihugu.

Gusa Martin Elia Lomoro yavuze ko uburyo bwo kohereza izo ngabo mu gihugu bukeneye kubanza kuganirwaho neza.

Leta ya Sudani y’Epfo kandi yahaye uburenganzira busesuye ingabo z’uyu muryango ziba muri iki gihugu (UNMISS) bwo kwisanzura bijyanye n’amasezerano abagenga ndetse no gukuraho imipaka yose itemewe.

Iki cyemezo kije mu gihe Dr Riek Machar urwanya ubutegetsi ari mu buhungiro muri Sudani nyuma yo gukurwa ku mwanya wa Visi Perezida agasimburwa na Taban Deng Gai.

Ingabo za Loni zemerewe gucunga umutekano muri Sudani y'Epfo

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved