Kwamamaza

Sudani y’Epfo:Guverinoma yakuyeho ubufasha ku bakozi bagiye kwivuriza mu mahanga

Yanditswe kuya 17-09-2016 saa 09:43' na Cyprien Niyomwungeri


Guverinoma ya Sudani y’Epfo yakuyeho amafaranga yishyuriraga abakozi ba Leta bagiye kwivuriza mu bindi bihugu mu rwego rwo kugabanya ibyo Leta itanga ku bakozi no mu bindi.

Ejo kuwa Gatanu tariki 16 Nzeli 2016 nibwo Minisitiri w’imari Stephen Dhieu Dau yasohoye itegeko rikuraho ikiguzi cyose kijyanye n’ubuvuzi Leta yatangaga ku bakozi ba Leta bagiye kwivuriza hanze y’igihugu.

Yagize ati “Aya mafaranga arakenewe mu kongera serivisi z’ubuzima muri Repubulika ya Sudani y’Epfo.”

The East African itangaza ko bibaye nyuma y’icyumweru Minisitiri w’imari n’abakozi be bahuye n’abayobozi mu bigo bya Leta ngo baganire ku mpinduka z’ingenzi zakorwa harimo no kugabanya amafaranga yahabwaga ibyo bigo.

Mu kwezi gushize Minisitiri Dhieu Dau yanakuyeho ibyo kwishyura amasheki yose atarishyuwe n’imyenda ategeka ko bisubizwa mu bigo bireba, bikazitabwaho mu ngengo y’imari ya 2016/2017 itarashyirwa ahagaragara.

Igihugu cya Sudani y’Epfo cyabonye ubwigenge muri Nyakanga 2011, gihanganye bikomeye n’ingaruka z’intambara yacyadutsemo muri 2013, igashegesha ubukungu bwacyo bushingiye ahanini kuri peteroli.

Amakuru avuga ko igihugu nta bushobozi kigifite bwo kwishyura imyenda ya miliyoni z’amadolari cyagujije mu bigo bicukura Peteroli no mu bihugu bituranye. Ibi ariko ntibyakibujije gutangaza ko kizaguza n’ayandi ku ngengo y’imari ya 2016/2017.

Kugeza ubu umusaruro w’ibikomoka kuri Peteroli waragabanutse ku kigero cya 80%, uva kuri miliyoni 500 z’amadolari muri 2011 ugera kuri miliyoni 10 z’amadolari.

Minisitiri w’Imari muri Sudani y'Epfo, Dhieu Dau

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved