00:00:00 IGIHE NETWORK KN KINYARWANDA EN ENGLISH FR FRANCAIS

Sudani: Rwabuze gica hagati ya Minisitiri w’Intebe n’igisirikare cyamuhiritse

Yanditswe na IGIHE
Kuya 3 Ugushyingo 2021 saa 12:23
Yasuwe :
0 0

Nyuma y’icyumweru igisirikare cya Sudani gihiritse Guverinoma ya Minisitiri w’Intebe w’inzibacyuho, Abdalla Hamdok, ntibarumvikana ku kigomba gukorwa ngo igihugu gisubire mu murongo.

Reuters yatangaje ko impande zombi zikiri mu biganiro ku kigomba gukorwa nyuma y’umunsi umwe Hamdok avuze ko ibibazo igihugu kirimo bizakemurwa na Guverinoma ye yahiritswe.

Kuwa Mbere w’icyumweru gishize nibwo Hamdok yahiritswe ku butegetsi, afungirwa mu rugo iwe ndetse benshi mu bagize Guverinoma ye batabwa muri yombi.

Iryo hirikwa ry’ubutegetsi ntiryaguye neza abasirikare barikoze bayobowe na General Abdel Fattah al-Burhan kuko abaturage bahise biroha mu mihanda babyamagana, banasaba ko Hamdok asubizwa mu mirimo.

Burhan n’abasirikare be kandi bagiye ku gitutu cy’amahanga, nayo yasabye ko Hamdok arekurwa Guverinoma ye igasubira mu mirimo. Ibihugu birimo Leta Zunze Ubumwe za Amerika byahise bihagarika inkunga byahaga Sudan.

Amakuru yizewe ahari avuga ko igisirikare na Hamdok bakomeje ibiganiro ngo barebe uburyo igihugu cyasohoka mu bibazo cyagiyemo guhera mu cyumweru gishize.

Reuters yatangaje ko hari ibyamaze kwemeranywaho hagati y’impande zombi, gusa ibiganiro biracyakomeza.

Kuri uyu wa Kabiri, ikinyamakuru cyegamiye kuri Leta ya Arabia Saoudite, al Arabiya TV cyatangaje ko hari amakuru cyahawe y’uko Hamdok yemeye kongera kuyobora Guverinoma.

Hari andi makuru yatangajwe avuga ko Hamdok yabanje gusaba ko imfungwa zose za Politiki zirekurwa mbere yo gusubira mu mirimo nka Minisitiri w’Intebe.

Minisitiri w'Intebe Hamdok ntarumvikana neza n'abasirikare bamuhiritse ku butegetsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .