00:00:00 IGIHE NETWORK KN KINYARWANDA EN ENGLISH FR FRANCAIS

Sierra Leone: Abantu bagera ku 100 bapfuye batwitswe na lisansi

Yanditswe na Kanamugire Emmanuel
Kuya 6 Ugushyingo 2021 saa 05:58
Yasuwe :
0 0

Abantu 99 baguye mu mpanuka yatewe n’iturika ry’ikamyo yari itwaye ibikomoka kuri peteroli yagonganye n’indi modoka mu Murwa Mukuru wa Sierra Leone, Freetown ku gicamunsi cyo kuri uyu wa Gatandatu.

Iyi mpanuka ikiba lisansi yahise isandara ndetse haduka inkongi yatwitse abantu bari hafi aho ndetse n’ibinyabiziga.

Ibitangazamakuru byo muri icyo gihugu byashyize hanze amashusho yerekana imirambo izengurutse iyo modoka yahiye.

Perezida Julius Maada Bio yatangaje ko yababajwe n’iyi nkongi ikomeye ndetse n’umubare w’abantu bahaburiye ubuzima.

Mu butumwa yanyujije kuri Twitter yavuze ko leta ikora ibishoboka ngo igoboke imiryango yagizweho ingaruka n’iyi mpanuka.

Abagera ku 100 barimo guhabwa ubuvuzi mu bitaro n’ibigo nderabuzima bitandukanye byo mu Mujyi wa Freetown nk’uko inkuru ya BBC ibivuga.

Muri Werurwe, abasaga 80 bakomerekeye mu mpanuka y’inkongi muri bimwe mu bice by’inkengero z’uyu mujyi yasize abagera ku 5000 bavuye mu byabo.

Mu 2017 na bwo abasaga 1000 bishwe n’imvura yateje inkangu yasenyeye abantu mu mujyi isiga abagera ku 3000 badafite aho baba.

Impanuka ikiba lisansi yatwitse abari hafi aho hamwe n'ibinyabiziga bindi
Abaguye muri iyi mpanuka bamaze kuba 99

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .