Kwamamaza

Seychelles: Perezida yeguye ku mirimo ye

Yanditswe kuya 28-09-2016 saa 09:01' na Philbert Hagengimana


Perezida James Michel wari umaze imyaka 12 ari Umukuru w’Igihugu cya Seychelles yeguye ku mirimo ye, nyuma y’uko ishyaka rye rirushijwe n’abatavuga rumwe na ryo imyanya mu Nteko ishinga Amategeko.

Jeune Afrique dukesha iyi nkuru itangaza ko Perezida James Michel yatangarije kuri Televiziyo y’igihugu ko, guhera kuwa 16 Ukwakira azaba atakiri Umukuru w’Igihugu.

Mu ijambo rye, James Michel yagize ati “Nyuma yo kubabera Perezida imyaka 12, harageze ko ntanga umwanya ku wundi muyobozi. Umuyobozi mushya uzageza Seychelles ku rundi rubibi mu Iterambere.”

Iryo tangazo ritunguranye, rije nyuma y’aho ishyaka rye Lepep (people) ritabashije kwegukana ubwiganze mu matora y’Abagize Inteko Ishinga Amategeko yabaye muri uku kwezi kwa Nzeri, aho ryegukanye imyanya 10 gusa mu gihe ihuriro ry’amashyaka atavuga rumwe n’ubutegetsi ‘Linyon Demokratik Seselwa’ ryegukanye imyanya 15.

Ibyo ni ubwa mbere bibayeho kuva mu 1993, ubwo Seychelles yatangiraga politiki y’amashyaka menshi, dore ko kuva mu 1977 yagenderaga kuri politiki y’ishyaka rimwe, Lepep rya Perezida James Michel.

James Michel w’imyaka 72 yari Perezida wa Seychelles kuva mu 2004, aho umwanya w’Umukuru w’Igihugu yawufatanyaga n’uw’umukuru wa Guverinoma (Minisitiri w’Intebe), akaba agomba guhita asimburwa na Danny Faure wari Visi Perezida, ari na we uzusa ikivi cy’imyaka itanu yari isigaye muri iyi manda.

James Michel yafashe umwanya w’Umukuru w’Igihugu asimbuye France-Albert René wari abereye Visi Perezida, na we akaba yari yeguye mbere y’uko yusa ikivi cya manda ye.

Mu matora y’Umukuru w’Igihugu yabaye mu Ukuboza 2015, James Michel yari yegukanye intsinzi ku majwi 50,15%, aho yarushije amajwi 193 gusa Wavel Ramkalawan wari Umukandida w’abatavuga rumwe n’ubutegetsi.

Ibyo na byo, kuva icyo gihugu cyatangira Politiki y’amashyaka menshi, ni ubwa mbere byari bibayeho ko umukandida w’ishyaka Lepep ahangana bigeze hafi ku kwitabazwa icyiciro cya kabiri cy’amatora.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved