00:00:00 IGIHE NETWORK KN KINYARWANDA EN ENGLISH FR FRANCAIS

Rutshuru : Abasivile bane bamaze icyumweru mu maboko ya FDLR

Yanditswe na Bukuru JC
Kuya 2 Ukwakira 2021 saa 03:50
Yasuwe :
0 0

Imiryango irengera uburenganzira bwa muntu muri Repubulika Iharanira Demokarasi ya Congo, yatangiye gutabariza abasivile bane bashimuswe n’abarwanyi bo mu mutwe wa FDLR, ku wa 25 Nzeri 2021 bakaba bataraboneka.

Aba baturage bafatiwe mu duce twa Nyamilima na Buramba muri teritwari ya Rutshuru muri Kivu y’Amajyaruguru.

Aimé Mukanda Mbusa, ukorera umwe mu miryango iharanira uburenganzira bwa muntu muri Rutshuru, yavuze imiryango y’abaturage bashimuswe isa n’aho iri mu kigandaro kuko ikeka ko batakiriho.

Bisa n’abo iyi miryango itegereje kubona imirambo y’ababo nk’uko inkuru ya ACTU7.CD. ibivuga.

Ati “Barapfuye ndetse mu gihe dutegereje icyo ibikorwa byo kubashakisha bizatanga n’imirambo yabo, icyo dusaba Guverinoma ya Congo ni uko yakemura ikibazo cy’aba bantu bahora baduteza umutekano muke.”

Ibikorwa byo gushimuta bikunze kwisubiramo muri teritwari ya Rutshuru nubwo hashyizweho ibihe bidasanzwe. Abayobozi b’inzego z’ibanze bari biteze impinduka nk’uko byari byatekerejwe n’Umukuru w’Igihugu, Félix Tshisekedi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .