00:00:00 IGIHE NETWORK KN KINYARWANDA EN ENGLISH FR FRANCAIS

RDC yabwiwe ko ishobora kwisanga mu ‘kaga’ kubera COVID-19

Yanditswe na IGIHE
Kuya 2 Nyakanga 2021 saa 09:36
Yasuwe :
0 0

Itsinda ryashyizweho na Leta ya Repubulika Iharanira Demokarasi ya Congo ryaburiye abatuye iki gihugu ko nihatagira igikorwa mu maguru mashya baza gusanga ubukana bwa COVID-19 bwarenze igaruriro kuko ibitaro n’uburuhukiro byamaze kuzura.

Iri tsinda ryavuze ko Congo ishobora kwisanga mu ‘kaga’ bitewe na COVID-19. Ukwiyongera gukabije ku bwandu bwa COVID-19 kuri guterwa ahanini n’ubwoko bwayo bushya bwa Delta, busanzwe buzwiho gukwirakwira vuba kandi bukarembya ababwanduye.

Ubwandu bwa COVID-19 muri RDC bwatangiye kuzamuka cyane mu mu kwezi gushize kwa Kamena, aho 84% by’abandura basanganwa Coronavirus yo mu bwoko bwa Delta. Kugeza ubu muri iki gihugu abamaze kwandura iki cyorezo barenga ibihumbi 41 mu gihe abapfuye nabo barenga 900.

Umuyobozi w’Ikigo cy’Igihugu cy’ubushakashatsi mu by’ubuvuzi akaba n’uhagarariye iri tsinda ryashyizweho na Leta ya RDC, Jean-Jacques Muyembe mu kiganiro yagiranye n’abanyamakuru, yavuze nihatagira igikorwa RDC ishobora kwisanga mu kaga kubera iki cyorezo.

Yagize ati “Ikigero cyo kwandura kiri hejuru cyane kandi nibikomeza gutya, bizaba akaga gakomeye kuri RDC. Ibitaro byacu n’uburuhukiro byaruzuye, Abanye-politike benshi n’abarimu bo muri kaminuza banduye iyi virusi ndetse abenshi yarabahitanye.”

Ishami ry’Umuryango w’Abibumbye rishinzwe kwita ku Buzima, OMS ryatangaje ko ku Mugabane wa Afurika ibihugu bimaze kugeramo Coronavirus ya Delta bibarirwa muri 16.

OMS igaragaza ko Delta ifite ubukana bwo hejuru kuko yandura ku kigero kiri hagati ya 30% na 60% ugereranyije na Coronavirus isanzwe

Umubare w'abandura ndetse n'uw'abahitanwa na COVID-19 ukomeje kwiyongera umusubirizo muri RDC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .