00:00:00 IGIHE NETWORK KN KINYARWANDA EN ENGLISH FR FRANCAIS

RDC: Uwahoze ari umujyanama wa Joseph Kabila yahunze igihugu

Yanditswe na Bukuru JC
Kuya 15 Kanama 2021 saa 10:14
Yasuwe :
0 0

Amezi abiri arashize Barnabé Kikaya Bin Karubi wahoze ari umujyanama wa Joseph Kabila ushinzwe dipolomasi, ahunze igihugu nyuma yo guterwa ubwoba no gushinjwa ibyaha byo kunyereza umutungo wa Leta.

Karubi yahoze ari umunyamabanga wihariye wa Perezida Joseph Kabila, umwanya yavuyeho aba umujyanama we mu bya dipolomasi.

Uyu mugabo avugwa mu bikorwa byo gukoresha ikarita za banki z’isanduku ya Leta, akabikuzaho amafaranga akayakoresha mu nyungu ze bwite ubwo yari akiri umuyobozi.

Karubi nyuma yo kuva ku butegetsi kwa Joseph Kabila mu 2019, yakunze kumvikana anenga cyane ubutegetsi bwa Perezida Felix Tshisekedi.

Uyu mugabo yabwiye RFI ko yahungiye mu gihugu kimwe cya Afurika, kuko umutekano we wari uri mu kaga.

Ati “Natewe ubwoba, nagiye nakira telefone zimpamagara ntazi. Nahawe gasopo, bagiye bambwira ko ngombw akuva mu gihugu, narahavuye rero ariko nagiye mu buryo butari ubwa kimuntu. Ibyo ni ibigaragaza ko ubuzima bwanjye bwari buri mu kaga.”

Yahakanye ibyo gutunga amakarita ya banki yanditse kuri konti za Leta, ngo kuko imyanya yose yagiye ahabwa ntaho ihuriye n’ibigega bya Leta.

Barnabé Kikaya Bin Karubi yavuze ko amafaranga ashinjwa kwiba ntayo yatwaye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .