RDC: Umwe mu bahamijwe uruhare mu kwica Laurent-Désiré Kabila yaguye muri gereza

Yanditswe na IGIHE
Kuya 14 Nyakanga 2019 saa 04:17
Yasuwe :
0 0

Jean Bompengo wakatiwe urwo gupfa nyuma yo guhamwa no kugira uruhare mu kwica Laurent-Désiré Kabila wari Perezida wa Repubulika ya Demokarasi ya Congo, mu 2001, yaguye muri gereza ya Angenga iherereye muri Grand Équateur.

Ku wa Kabiri tariki 16 Mutarama 2001 nibwo Perezida Laurent-Desire Kabila wari umaze imyaka ine ku butegetsi yishwe arashwe, bikekwa ko byakozwe n’abasirikare be. Yaje gusimburwa n’umuhungu we Joseph Kabila.

Bompengo wapfuye ku wa Gatanu afite imyaka 54, yahamijwe ibyaha n’urukiko rwihariye rwa gisirikare.

RFI yatangaje ko muri urwo rubanza hahamijwe ibyaha abantu benshi, ariko 27 gusa nibo bakiri muri gereza. Abenshi barapfuye abandi bafungurwa nyuma yo kurangiza ibihano mu gihe harimo n’abagiye batoroka gereza.

Urupfu rwa Bompengo rwashavuje abanye-Congo bakoresha imbuga nkoranyambaga, bavuga ko apfuye nta makuru afatika atanze ku byabaye, bakomeza kwibaza niba bazabona inkuru y’impamo ku rupfu rwa perezida wabo.

Apfuye mu gihe imiryango itandukanye ikomeje gusaba ko abahamijwe ibyaha muri urwo rubanza bakiriho, bafungurwa.

Laurent-Desire Kabila yishwe mu 2001 mu buryo bwakomeje kuba amayobera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza